و أسبوع آخر..

هذا الأسبوع شهدت جامعة المنصورة مؤتمر الطالبات الثالث

التغطية تجدونها على هذا اللينك

::: المؤتمر الثالث لطالبات جامعة المنصورة :::

ودعاءكم لك من شارك في التغطية ليدخل السرور لقلوبكم وقلوبنا
: : : : : :

حين كنا فى المسيرة الصامتة اقتربت سيارة من البنات

ولا أبالغ ان قلت أنه تعمد الاقتراب أكثر وأكثر من الصفوف

تقدم الطلبة ملتفين حول سيارته ليقنعوه أن ينتظر ..

ليس الكثير شاهد هذا المشهد

لم يقتنع واستمر بالتقدم ولم يفصله عنا -نحن بنات النظام فى تلك الجهة - سوى أقل من متر

تقدم احد الطلبة ووقف أمامه مباشرة ..كان السائق يتقدم

والطالب من الأمام يمسك بسيارته

حاولت أن أركز فى تنظيم الصفوف ومواجهة الانعواج الناتج عن مرورنا بمنحنى

الا ان السيارة كانت تتقدم أكثر فأكثر..والطالب ظل ثابتا امامها .. حتى كاد أن يصعد على ( الاكصدام)ليمنعه من التقدم

ربما صعد بالفعل .. لا أدرى .. ربما

شاهدته يحاول أن يقنع صاحب السيارة الفيات من الزجاج الأمامى .. أنه هناك طالبات تمر

أن هذا ذوقياً لا يجوز !

!

(حماه الله وحمى كل شباب جامعتنا) ... لكن ما جعلنى أسجل تلك الحادثة

أن هذا الطالب أيقن تماما موقعه .. وعرف دوره ..صحيح اننا لا نعرفه ولكن الله يعرفه

ما جعلنى أتذكر حادثة نهاوند حينما جاء رسول النعمان بن مقرن لعمر بن الخطالب

ويذكر له أن فلان بن فلان اصيب وفلان بن فلان وفلان بن فلان

حتى قال: وكثيرون لا نعرفهم .. فقال عمر بن الخطاب رضى الله عنه:"بل الله يعرفهم

نعم ..

كثيرون لا نعرفهم ويعرفهم الله يقفون خلف كل عمل حتى لو كانت لوحة صغيرة ستعلق فى مسجد

..بعرفهم الله ..

دعاءكم لهم بظهر الغيب

----------------------------

مصر بتتقدم بينا

كان التلفزيون المصرى ليلة أمس يمر بمشكلة معينة لا أفهمها

اذ انه اصر على عرض اعلانات مصر بتتقدم بينا أكثر من مرة وكأنها أصبحت ( حافظة شاشة ) تدور

على الجميع أن يقتنع بهذا الاعلان وانه بالفعل مصر بتتقدم.. فصورة الخبز لا يعلى عليها

و ان الخضرة مازالت تغمر أرض مصرالتى تتقدم بيهم

و أن كل فئات الأمن والداخلية والمرور مسخر لراحة الشعب.. ويعبر بمصر طريق التقدم

و أن برج اوراسكوم الذى يرتفع و يرتفع .. أبدا ليس بجواره أى عشوائيات

لان مصر بتتقدم

وعلى عزف عمر خيرت لا تجد ردة فعل سوى أن تصفق بيديك

فعلا مصر بتتقدم .. بتتقدم

لأن حرية الكلمة محفوظة ولم يسجن أى صحفى ولم يمنع نشر أى جريدة ولم تغلق قناة الحوار

ولم نوقع وثيقة الاعلام

لأن طبعا مصر تعلم جيداً أن الكلمة باب النصر

مصر بتتقدم لان القضاء حر ولم تكن هناك مظاهرات للقضاة ولم يتم التعدى عليهم بالضرب

ولم يتم تعطبل الدستور وتخريبه ..وليس لدينا محاكمات عسكرية للمدنيين.. لان مصر بتتقدم

فى نهاية الاعلان الذى بالفعل جذبنى وذكرنى باعلانات جيل المستقبل بالحزب الوطنى

انبهرت ومع ذلك الصوت الهادئ للمعلق وموسيقى عمر خيرت

لم اجد مانع أبدا من الوقوف والتصفيق ..لأن بالفعل مصر بتتقدم

بتتقدم

بتتقدم فى اخراج الاعلانات

!

تغطية المعرض اب حب

عارفة انى اتاخرت

بس بجد باذن الله التغطية تكون كويسة
اللى مش عارف انا بتكلم فى ايه..يرجع لـــ شفتوا اللى حصل
اتفضلوا الصور

معرض أ ب حب


مقتطفات من لوح الجزء الأول( حبى ربنا)..اتفضلوا






مقتطفات من لوح الجزء الثانى(حبى نبيك)..اتفضلوا برده



الجزء الثالث( حبى امتك) كان جزئيتين
الاصلاح يبدأ بك



ومعاه ..اصلاح امتك


آخر ركن..وأحلى حاجة فى الدنيا
الحب فى الله


أسيبكم بقة مع الفيديو..تغطية للاحداث كلها
باذن الله








.......
كل معرض وانتم طيبين
و
ربنا يكتر المعارض

شوفتوا اللى حصل

معرض ( أ.. ب.. حب) ..المعرض عادى زى اى معرض
معرض لطالبات كلية الهندسة

لكن طبعا عند جامعة المنصورة مش عادى وبالذات اليومين دول

اول ما بدانا نتجمع فى الجنينة ..

وبنسمى بالرحمن هنعلق الشرايط..(الصور هنزلها باذن الله)

المهم لقينا عمو الجناينى واللى احنا متاكدين انه مش جناينى

بيقولونا روحوا الجنينة اللى بعد دى
طب ليه؟؟
طب مش عارف ايه؟؟
نقلنا الحاجة
رصيناها خلاص
وخلاص بنعمل التاتشات الاخيرة

لقينا واحد شكله محترم..وبأعلى صوته صرخ
انتوا بتعملوا ايه؟؟طبعا كملنا ..

ما احنا مش عارفينه
المهم قعد يقول ويعيد وانا هوريكم
وفين الكارنيه..هاتى الكارنيه..
ده تبع مين يا ماما المعرض ده؟؟
واقفى كلمينى..
وانا مافيش اى ردة فعل عندى..

ولانه لم يجد اى اجابة شافية
او ممرضة! !

فبدا يقطع اللوح

مع اول لوحة كانت بتتقطع..كنا حاسيين ان احنا اللى بنتبهدل

كنا عايزين ساعتها بجد نصرخ فيه..حرام كفاية بقة
ادخل شوف اللوح طيب..لو فيها حاجة اتكلم

المعرض عن الحب..والله عن الحب..

لكن طبعا مافيش..مع مين؟؟ده باينه يعنى حاجة وكيل او شئ من هذا القبيل

لانه قعد يقول انتوا عايزين تتفصلوا..هتتبهدلوا انتوا واهليكم

لكن احنا الحمد لله..ماقلناش حاجة غير

استغفار يا جماعة وتجديد نية

(صورة الخبر من موقع اخوان الدقهلية)

اتخانق..وزعق فى الاولاد والفاظ وشد وجذب
وهنجيبلكم الامن

وشوية!
وشوية دى كلمة قليلة جدا بس

هيا كانت شوية

انصرف الرجل ومعه جيشه من الامن اقصد من يدعون الامن

وبدانا المعرض ولله الحمد

ان يحدث امر طارئ..فهذا متوقع
ان يحدث ظلم..فهو ابتلاء ونصبر
أن يحدث كل هذا على بلدك وفى قلب جامعتك.. فهى مأساة بكل ما تحمله الكلمة

المعرض كان رائع والحمد لله..صح بدا متاخر بسبب اللى حصل
و
انتهى بدرى برده بسبب اللى حصل
الا انه كان بجد رائع..(إنما امره اذا اراد شيئا أن يقول له كن فيكون)..
ولا كنا نتخيل انه يكمل
ولا كان علشنا..
ده علشان حاجة أكبر مننا
\
\
إرادة ربنا
..

تعديل: تم رفع فيديو وصور فى البوست اللى فوق ده بدور واحد بس
خلى بالكم من السلمة

الاتحاد وايامه

طبعا زى كل سنة ..

الطلبة اتقدمت للترشيح و اتشطبت

وكان رد الفعل المرة دى...

اعتصام يوم الاثنين.....

وسيرة ومحاكمة يوم الثلاثاء..

التغطية رائعة فى مواطن من العريش

بعيدا عن المظاهرة والاعتصام..
فى حاجة جميلة لفتت نظرى المرة دى
كان فى بنت مراسلة لصحيفة انا مش عارفه هيا ايه
المهم كانت بتصور..
وللاسف لان احنا مش عرافين انها مصورة

فكنا بنقول خلاص..الكاميرا بتاعتك اتملت صور..روحى سلميها بقة

كنا فاكرينها مع الامن.

بس فوجئنا بيها ماشية فى المسيرة لغاية الاعتصام..

و كانت مصممة تصور كل اليفط اللى معانا
فلما البنات داوروا وجوهم الناحية التانية

قالت وبكل هدوء..

ماتخافوش انا مش هجيب وشكم فى الصورة.. انا عايزة اليفطة بس

عارفين لما ماتلقوش سبب تصدقوا اللى قدامكم..الا انه واضح جدا
و تحس انه بجد ده شغله اللى هو فاهمه كويس
وانه من كتر ما هو واثق فى كلامه ..تحس انك صدقته
اهو انا بقة حسيت بكده

بجد كان نفسى اقولها..
ربنا معاك..
وربنا يكرمك
و اى واحد شايف شغله صح..
وفاهمه صح...
وبيراقب ربنا فى شغله..

كان..نفسى بجد
أقولها..جزاكم الله كل خير..
واحنا آسفين( ووجه احمر من كتر الكسوف)
كنا فاهمينك غلط..

......فى الهامش..: منتظرين التغطيات من اخوانا المودنين على مدونتهم ..

و ياريت اللى نزل تغطية فى مدونته يسيب بس عنوانه هنا..

جمال زميلنا

صورة الخبر من موقع أخوان اون لاين

جمال رجع يا ولاد
كان امتحان الأساسات
( هوكس بوكس على راى صحبيتى اللى بعد ماتشوف الخبر ده هتقول ولا أعرفك) !!

المهم بعد الامتحان اتجمع انا واصحابى ..طبعا مش بنراجع علشان ماحدش يفهمنى غلط

بس كنا بنتفقد بعض بعد الامتحان علشان الضغط والسكر والجيوب الأنفية

وجميع الامراض المزمنة المستعصية اللى بنعانى منها وبعد . تفقد أحوالنا..فجاة صرخت واحدة

آآآآآه شوفتوااللى حصل واحنا قاعدين عادى

علشان نحل وبنكت اسماءنا فى كشف الحضور

فجاة يقطع صمت الاسبهلال من الامتحان صوت المراقب بيقول لطالب معانا فى اللجنة(جمال..انت مفصول يابنى)ا!

طبعا جمال ده كلنا عارفينه ومن غير فتاكة يعنى أكيد مش مفصول علشان قل أدبه مع دكتور أو تجاوز نسبة الغياب

أو أى حاجة من اللى المفروض البنى آدمين يتفصلوا علشانها

الباشمهندس جمال كان واخد قرار فصل بعد مظاهرات نظمها الإخوان كانت عندنا فى جامعتنا المصونة علشان حفريات الأقصى

كان فى طلبة متحولة للتحقيق..وجمال كان واخد فصل

نرجع تانى لللجنة

المهم طبعا المهندس جمال قال انا رافع قضية ولسة مصدرش فيها حكم..

دخل دكتور مبجل وتكن له الدفعة مشاعر فياضة جدا نظرا لنتيجته الروعة

وقال: لما تحل قضيتك ابقى تعال ..

شدو الورقة من جمال..وجمال خرج بره اللجنة..واصحابى رجعوا يكملوا الامتحان..

سكتت صحبتى اللى كانت بتحكى

وقلنا..حسبى الله ونعم الوكيل..

المفآجاة كانت يوم الامتحان اللى بعده...

كل الطلبة خرجت من الامتحان مبسوطة كان جميل

بس مش دى المفآجاة الوحيدة

كان فى مفآجاة كمان..طبعا غير ان احنا خرجنا بدرى..

جمال كان رجع...المهندس جمال اللى امتحن المادة

وهيكمل الامتحانات معانا

نفس صحبتى اللى كانت قالت آآآآآآآآآه ..(فاكرنها طبعا) قالت برده المرة دى آآآآآآآآآآه

"مش جمال رجع"..

رديت فى ذهوووووووووووول:0

بجد الحمد لله..يعنى المهندس جمال هيكمل معانا الامتحان الحمد لله..

رجع يا ولاد ..جمال رجع ياناس..يا ماما يابابا جمال رجع...الحمد لله

بجد يارب أحمدك..ماكنش فى ايدينا حاجة غير الدعاء..وانت استجبت ..الحمد لله

.....................فى الهامش.:تحية لكل طلبة الإخوان اللى بيتفصلوا أو بيتحقق معاهم أو اللى على وشك..