تاج..تانى من اروى

خلاص الحمد لله اطمنت على اصحابى..
نبدا بقة نشوف مصالحنا
أروى صاحبة مدونة انا كده..هى اللى كده مش انا
كانت ممرالى تاج..من يوم..لا بلاش اقول انه كان من 11 اغسطس

يالله بسم الله..

هل تحرص بصدق علي تجديد النيه قبل الدخول علي النت؟؟

..امم طيب جزاكم الله خيرا على التذكرة دى..وبداية كده رائعة
....
ما رأيك في جريده الدستور؟؟؟
هعترفلك بحاجة يا اروى بس ده سر
ماليش فى الجرايد
اطلاقا
خالص
وايه اللى يخلينى اجيبها طالما ماشاء الله القنوات الاخبارية شغالة فى البيت
24 ساعة ..ده اقل حاجة يعنى
....
ما رأيك في شويه المدونات دي..(أنا إخوان..إبن أخ....مش حاسكت..جهاد المصري)؟؟
انا اخوان بفتحها كتير بالذات لما بكون محتاجة خبر معين
ابن اخ..بفتحها من وقت للتانى بس مش فاكرة انى سيبت هناك تعليق
مش هسكت وجهاد مش دخلتهم من وزمان للاسف
....
هل بعد قراءتك للإجابتين إللي فاتواحسيت إن أنا أيه؟؟ولا تنسي الصدق.؟
مش فاهمة الصراحة السؤال..مين اللى ايه؟؟
...
هل تثق في جريده الدستور؟؟؟
طب ارد اقول ايه؟؟؟بقولكم ماليش فى الجرايد وعايزة الحقيقة
موقع واحد بس اللى بحب اجيب الاخبار من عليه وانشرها كمان
وانا كلى ثقة موقع اخوان اون لاين
....
هل تعمل في السياسه والعمل العام أكثر من الربانيات والروحانيات؟؟؟

احيانا كتير بحس ان الشغل فعلا بياخد وقت اكتر
بس عارفين اول ما الاقيها خربت والدنيا ادربكت
بعرف السبب...وبقول
راجعلك يارب
بس على فكرة بيبقى احلى شغل
لما يكون الاتنين ماشيين مع بعض
...
هل الدستور تحب الإخوان,,ولا بتستغلها؟؟

هى الدستور دى مهمى اوى كده..امشى يعنى وتكملوا معاها ولا ايه
عامة انا فكرى عن اى جريدة انها عبارة عن مجموعة محررين
يبقى السؤال..المحررين دول بيحبوا الاخوان ولا بيشتغلوهم
؟؟
اعتقد ان اكيد بما انهم شريحة من المجتمع فاكيد فيهم وفيهم زى اى فئة
لو الفكرة دى غلط ..ممكن حد يصلح لى
ويبقى جزاه الله كل خير
-------------------------------------------
معذرة يعني وبدون زعل او اي تاثر تم حذف سؤالين
واحد فيهم ملهوش دخل بالموضوع والتاني مش هجواب عليه عادي بقي

وانا كمان حذفت زي صحبتي مااعرفش ايه هما السؤالين بس اهو هو كدا

وانا كمان تضامنا مع اخوانية واروى مش هجاوب
لانه اصلا مش عارفة السؤالين

-------------------------------------------------
التاج التاني لإمام الجيل.... واللى ممرراه اروى برده

اسم مدونتك؟
tamoooh
ويذ اربيك (طموح)..ترجمة فورية
...
وماهي نيتك من وراء اختياره؟لماذا اخترته
علشان انا بحب اكون طموح
ومن يوم ما عرفت النت وسنينه وانا اسمى
طموح

لكن صبرا ستمضى المحن ..ده الهدف من المدونة
بالنسبة لى على الاقل
هتمضى هتمضى
باذن الله
...
هل فكرت في إغلاق مدونتك؟ والسبب؟
لا ليه خير بس..
ممكن اقفلها فى حالة واحدة بس
اذا ما حققت الهدف بتاعها
برده معايا على الاقل
....
صورتك في المدونة ورمزيتها ؟؟
صورة بنوتة حواليها فراشات صغيرة
مكتوب جنبها ..
جامعتى حرة..
.....
لماذا دخلت عالم التدوين من الاساس؟
فشة خلق..راحة بال
توسيع صدر..واشياء من تلك القبيلة
وانا اتعودت اجرب بنفسى كل حاجة
حتى التدوين..شفتوا ازاى بقة؟؟

بس بجد فى حاجة مهمة انا مقتنعة بيها
انها وسيلة ..لتوصيل رسالة او اكتساب اصدقاء
و انا افضل الاتنين مع بعض
....
جمله قيلت لك فى وصف مدونتك؟
تقريبا كل اصحابى مش بدونوا
بس مرة واحدة بحبها جدا فى الله وليها معزة( بفتح الميم) خاصة عندى
قالتلى مدونتك رائعة جدا..وأنا بحبها..
..
التعليقات بالنسبه لك ,اهميتها؟
بناءا على ان اصحابى مش بيدونوا ..فأنا بستنى التعليقات من المدونين
لكن اصحابى بستناهم يعلقوا ....
بس فى وشى على طول
..
احلى بوست كتبته ...ضع اللينك , ثم اذكر لماذا؟
مش عارفة ..بحس ان اول بوست هو احلى بوست
زميلنا جمال
..
أفضل بوست قراته؟؟ضع لينكه؟؟
طب ماشى...ان شاء الله
بعد كده هركز واعمل مسابقة وابقى اختار..
...
أفضل مدونة قراتها؟؟
فى مدونة بحب أدخلها
على مكتوب
مدونة صدى الصمت
ربنا يكرمها ويفك أسر أخوها
..
لو حد قل أدبه فى التعليق..ايه ردة فعلك؟؟
مساوية تماما للفعل فى المقدار و مضادة له فى الاتجاه
يعنى..هى مش حصلت ومش هتحصل ان شاء الله
...
أسوأ بوست وأسوأ مدونة؟؟
مش بحب حد يشتم اخوه المسلم أيا كان..
معلشى يعنى يا اخونا
بس أنا مش شايفة ان الشتيمة هتأثر..يبقى ليه نقل قيمتنا؟؟
بصفة عامة..ده اللى ممكن يخلى المدونة من وجهة نظرى
سيئة
...
هيحصل ايه لايميلك لما تموت؟؟
يارب يكون شاهد خير ليه
و ربنا يرحمنا...
....
اديت الباسوورد لمين؟
مش لحد
مع نفسى
بس لو اضطريت اديها لحد عادى
....
كانت ايه طيبعة علاقته بيه؟؟
يووووه...الباسوورد معاى انا
وطبيعة علاقتى انا ونفسى..عز المعرفة
.....
بعد اذنكم
هكمله بعدين..
اروى.. التاج ده طويل جدا..

تعديل: استكمال التاج
................................
اسمك؟
طمووووح
.........................................
المشهور بيه وسط اصحابك؟؟
مش عارفة ليه ماليش نفس اجاوب على السؤال
ده على الملأ كده..
بلاش احراج
بس على ايه حال كل جروب وليه نظامه
يعنى جروب الدفعة
غير جروب اخواتى
غير جروب اصحابى الاصغر منى
......................................
شخصيتك نوعها ايه؟؟
كنت خدت دورة نمية بشرية وعملت فيها تقييم
طلعت شخصيتى
اجتماعية قيادية وهايبر اكتيف
التقييم اللى قال كده
لكن لو هقول..
هقول عصبية وده عيب نفسى اغيره
بحب اروح واجى ..وده عيب من وجهة نظر امى ونفسها تغيره
بحب اجرب كل حاجة بنفسى..
.....................................
السفر بالنسبة ليك ايه؟؟
سبع فوائد
بس اهم حاجة يبقى لهدف كويس
واكون مستمتعة
بكل لحظة..
ويكون معايا صحبة كويسة بنعين بعض طول الطريق
...................................
وقت فراغك بتعمل فيه ايه؟؟
بنوع
يعنى ممكن اقعد على الكمبيوتر وبالذات على المدونة
او على الفوتوشوب
لان النت عندى نوعين
شغل وده الاغلب..وترفيه فى وقت الفراغ
اطمن على اخواتى واصحابى بالتليفون..
اقرا كتاب..بس الكتاب اللى أقراه فى وقت الفراغ ده
يبقى كتاب محصلش
..طبعا كل ده فى البيت ...
...................................
المود بتاعك؟؟
الحمد لله...حالياً..
عندى امتحان يوم الثلاثاء
فتخيلوا بقة انتوا
..............................
الصفات اللى خدتها من بابا؟؟
لو سألتوه هيقول:" ولا حاجة..كان نفسى تاخد اى حاجة"
بابا وعرفاه
.............
الصفات اللى خدتها من ماما؟؟
هتجاوب زى بابا تمام
"ولا خدت حاجة..كان نفسى تتعلم اى حاجة..طب على الاقل تتعين زى فى الجامعة"
ماما وحفظاها

لكن انا مقتنعة ان كل اللى عندنا
من عندهم
بالاضافة لشوية حاجت بسيطة من بره
على شوية تراكمات زمنية
على حبة من الاصحاب
فبيطلع فى النهاية
.
.
احنا..

....................
اكتر ست حاجات بتكرها؟؟
اهمال المسؤولية..
الكسل
الكذب
انى اغلط وماحدش يقولى انى غلطت
انى اجرح حد وماخدش بالى
المادة الظريفة اللى طلعت بيها من رابعة واول مادة اشيلها فى حياتى وطبعا مش دخلتها دور تانى
......................................
اكتر ست حاجات بتحبها؟؟
اى حاجة بعملها علشان ربنا
انى اتعلم حاجة واعلمها
انى انظم وقتى ويبقى مفيد
اخرج مع اصحابى او اخواتى

ليه الحاجات اللى بنحبها بنقعد نفتكر فيها
والحاجات اللى بنكرها بنفتكرها على طول؟؟


...............................
الانترنت بالنسبة ليك؟؟
الرسالة اللى ببقة عايزة اسمعها لكل الناس بوصلها من خلاله
الخبر اللى ببقى عايزة اقراه بقراه عليه
الاصحاب اللى مش شفتهم وحبتهم
وشوية ترفيه وشغل ومدونة

..................
أمرر التاج لكل اللى دخل مدونتى فى اى يوم
أوعلق
ولو انى اعتقد ان البشرية كلها جاوبته
بس مافيش مشكلة ..يمكن حد هنا او هنا مش جاوبه

تاج من اخوانية

حبيبة قلبى اخوانية بعتتلى تاج

رغم انى مزاجى مش اوى

..بس طبعا مش هقدر اخره اكتر من كده
يالله بسم الله وربنا يسهل علشان انا مش بعرف اجاوب على اى اسئلة شفوى خالص

ادينى المايك اتكلم لكن ما تسالنيش خالص

لكن علشان حبيبتى قلبى اخوانية مصرية بقة

.....................................................
أحب شخص لقلبك فى الدنيا؟
بعد ماما قصدى يعنى أمى

...وأبى..واخواتى..

لان دول يعنى بالبديهة هم اكتر ناس كلنا بنحبهم

قريت السؤال حوالى عشر مرات
مالقيتش جواب تصدقوا..

مافيش شخصية واحدة كده بحبها زيادة عن باقية اللى بحبهم

ماعنديش شخص بعينه كده بفضله عن باقية الناس

لكن لو قسمتهم شرايح ممكن

يعنى فى زمايلى..كلهم بحبهم خالص..رغم انها عشرة الجامعة بس بس برده بحبهم جدا..

وهما عارفين ده كويس كلهم..
وفى اخواتى اللى عرفتهم من اول ما وعيت على الدنيا لغاية النهارد كلهم اكتر من اخواتى

كلهم زيهم زى نفسى بالظبط..بحبهم خالص....
لو هختار واحدة..عندى ليه اخت فى اولى بموت فيه وتقدروا تقولوا متفقين فى كل حاجة

حتى فى الالفاظ والكلام والمخططات

ربنا يخليهم كلهم ليا يارب
ومن بقة شريحة الاساتذة والناس الكبيرة.

فالدكتور احمد سامى..لو هختار شخصية واحدة بس

اما بقة شريحة الناس اللى مش اتعاملت معاها

فبحب حماس كلها..وبحب كل الاخوان..وبحب كل الاخوات..

وبحب صناع الحياة رغم انى مش معاهم علشان وجهة نظر شخصية..

بس بحبهم

وبحب مين كمااااان؟؟بحب مين كمان؟؟
لو افتكرت حد هضيفه..بس عامة

بحب كل الناس الطيبة والحنينة والايجابية والحقانية

اجابة غبية عارفة..بس اعمل ايه بقة

.......................................................
انسان مستعد تضحي بحياتك – ركز فى كلمة حياتك - عشانه؟

برده امى وابى واخواتى
هتصدقونى لو قلتلكم انه اى حد بحبه ممكن اضحى بحياته عشانه

مش عارفة بس هو ده احساسى اول ما قرات السؤال
مش هتصدقونى..صح؟؟..........................
حاولوا وانا هحاول الاقى اجابة تانية

....................................................
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

اكره لدرجة الجنون..!!!وبعد كده بدل ما ابقى قتلته علشان حق

ابقى قتلته علشان مجنونة

لا ياس تى مش لعبة

واتحول على مستشفى الامراض العقلية وخلاص

ابقى استفدت ايه؟؟ولا مهندسة ولا بطيخة حتى؟؟

يا اقتل بكرامة يا ماقاتلش

وبدل ما اجنن واقتل
اكره..بس بهدوء

اكره بعقل يعنى

اكره كل اللى يعادى دينى

كل اللى يقتل اخوانى

كل الخونة واقتلهم

بس ما اعتقدش انى هبص على جثته واشرب من دمه وكده يعنى..

انا مش المليجى ولا دراكولا .. برده احنا اتفقنا نكره ونقتل بعقل
ممكن اكره.. بس مااقتلش

اكره كل مسلم يعادى اخواتى كل مسلم يظلم مسلم بس مش هقدر اقتله

...................................................................
ما هو: اسم اجمل كتاب كتبه بشر قراته ومحتفظ بيه حتي الان

كتيبين الصراحة..

صوت ينادىو

وكتيب الزمن القادم

http://saaid.net/gesah/119.zipلعبد الملك القاسم

بحتفل بالسنة العاشرة ليهم الصيف ده

كنت وخداهم هدية من معلمة متوسط فى السعودية..او اعدادى بالمصرى يعنى

الكتاب قصص جميلة وباسلوب رائع هو مش دعوى بس روحانى

ومش بزهق منه خالص رغم انى حفظته بس بحبه جدا

......................................................................
اسم كتاب -كتبه بشر برضة- انت متعلق بيه وبتقرأه كل فترة؟

فى بقة كتاب الرقائق للراشدبحبه جدا

ومن يوم ما اخدته من بابا وانا مش رجعتهوله علشان دايما بقراه\
وكتب د.خالد ابو شادى كلها وبالذات الفجر القادم
ولا تحزن..وبس يعنى هما دول اللى كل شوية اخلصهم وابدا من الاول..
.....................................................

اهم جهاز منزلى انت متعلق بيه او بتستخدمه كتير؟
جيتم على الوجيعة

الكمبيوتر..طبعاتقريبا طول اليوم عليه لدرجة ان بابا قلى حددى عدد معين من الساعات

او هضطر اسحبه منك..
وبعده طبعا البوتاجاز علشان الشاى والكافى ميكس

......................................................

شىء تحس بالراحة النفسية عندما تنظر اليه؟

لو قصدكم شئ جماد يعنى فبصراحة المشاية هنا فى المنصورة بالليل

ويسلام بقة لو اللى بيسوق اخويا و متهور ومستعجل وعايز يروحنى بسرعة

ببقى مبسوطة اوى بس كل شوية اقوله"قد بمسؤولية"بلاها السرعة ياغالى علينا

اما بقة لو منظر عام

لما بلاقى اخواتى فى الله كلهم متجمعين ومبسوطين

ببقة هعيط من كتر الفرح

واحيانا بنط عادى يعنى

..................................................

مكان تحس فيه بالحنين الى شىء لا تدرى ماهو و ذكريات جارفة الى لاشىْ؟؟
الحرم...يااااااااااااااااه مش بس حنين وذكريات

ده كل حاجة

قولوا حنين للكعبة..حنين لللرهبة..حنين لجمال المسلمين..لرقة قلوبهم...حنين للرسول

حنين لقلب كل همه ربنا..
ياااه..مكة والجبل اللى كان عليه بيتنا

كمان تبوك والخضار اللى كان ماليها

المملكة بصفة عامة كلها على بعضها كلها ذكريات
هما سبع سنين بس اللى كانوا فيها..بس بجد سبعة سبعة يعنى

ايييييييييييه لا اله الا الله..دنيا لا حول لنا فيها ولا قوة

.............................................
مكان تحس بالراحة عندما تدخله؟

طبعا

مسجد كليتنا

بحبه جدامش بس بحبه

ده انا نفسى اخده معايا لما اتخرج

بس بالله بقة

بجد بحب اصلى فيه اوى مش عارفة هعيش من غيره ازاى
على فكرة الاسئلة دى كلها كئيبة...وهتكره الناس فيه والله يا جماعة انا مش مكتئبة

..................................................................
اجمل مدينة زرتها داخل مصر؟

والله بصراحةاى مكان بطلعه بيطلع حلو مش عارفة ليه

اسكندرية... راس البر....الفيوم زمان وانا صغيرة

كلهم حلويين

المهم مااخرجش فى الشمس وخلاص

البحر حلووكلها بجد حلوة بس لما بيبقى مزاجنا احنا اللى حلو

..............................................

أجمل مكان طبيعي رأيته داخل مصر ؟

اكيد البحربس بالليل وفاضى..بلاش الزحمة بتخنق

والقاهرة من فوق من الطيارة

تحفة ماشاء الله

.......................

شخصية كارتونية بتحبها؟
مولان

ووشوشنى اللى فى شركة المرعبين

وتيمون وبمبا
وبحب اتفرج بقة على رحلة الخلود مش بزهق منها

وعلى اسد عين جالوت

محمد الفاتح

بحب الحاجات دى كلها
فى بقة كمان باح ياباح

متهيلى محدش سمع عنه
ربنا يكرم بجد الشركات دى ..الاء ونداء ودار البلاغ

كفاية انها بجد واحنا صغيرين علمتنا حاجات كتير..

نبهتونى لحاجة مهمة..هو انا ليه مش متابعة اخر اصدارتهم؟؟؟نقطة مهمة هسجلها..جزاكم الله خيرا

....................................................

نوع هاتفك المحمول؟

نوع متهيلى ماحدش سمع عنه

نوكيا

2100

....................

سرعة بروسيسور جهازك؟

تصدقوا نسيت اسال على النقطة دىالجهازبقاله خمس سنيت ولله الحمد وشغالبس هو مش بتاعى هو بتاع اخويا واتبرع لى

بيه علشان اتخنق منى..
نصيحة..اخنقوهم وهما يعملوا كل حاجة

..............................................

حجم ذاكرة –هارد- جهازك؟
حجم ذاكرة –هارد- جهازك؟دى بقة انا عارفاهالانى انا اللى جايباه80مقسماه اربعة15-20-20-25مع الاخذ فى الاعتبار الفواقد
.....................ا

المساحة التى تشغلها المواد الاسلامية على جهازك؟

12

جيجاده مع اعتبار ان اصلا المشغول منه 25 جيجا فقط
وعلى افتراض السى لوحده 5علشان برامج الجرافيك

يقى بتكلم فى 50%
مش عارفة هيا ليه قليلة رغم ان الجهاز مش عليه حاجة اصلا
المهم فى حاجت كتير على اسطوانات وهاردى القديم لسة ما نسختهاش

فكرتوووووووونى..
...........................
نفس المساحة السالف ذكرها فى قلبك -الاجابة لنفسك عشان الرياء يا اخواننا
ادعولى ربنا يهدينى ويثبتنى ويعينى على طاعته

..................................

أهم هدف انت واضعه لحياتك الآن؟
فى الحياة العلمية

مش مستنية الجيش الحمد لله بس مستنية النتيجة

وبعدها بقةباذن الله ابدا اتعلم حاجتين مهمين

اوتوكاد بس عايزة احترفه لانى بصراحة خدت فيه دورة بس تيك اواى كده

وجرافيكس وياريت يعنى تاخدوا فى ثواب ارشاد تائه وتقولولى على مكان كويس اتعلم فيه جرافكس هنا فى المنصورة

وبجد مش بهزار لانى سالت طوب الارض

وهو طبعا اخرس مش بيتكلم
.....................
مواصفات فتى الأحلام بالنسبة لك؟صف ما يأتى:شعورك لما بتسمع كلمة مصر ؟
طويل ورفيع و عريض المنكبين ..شعره اصفر وعنيه خضرة ومالوش ام ولا اخوت

غنى بقة ومتريش وعنده موبايل بكامرتين وياريت بقة لو مليونير يبقى تمام التمام

وجاى على حصان ابيض ولابس ابيض ومغطى عينه زى زورو ومعاه السيف بتاعه
بمزح معاكم..مش دى المواصفات ولا حاجة

انا الكود عندى مختلف تماما

اول بند..يحب دينه

تانى بند ..يحبنى

الكود بتاعى سهل..مش زى كود الخرسانة
نقلب بقة على السيرة دى

................................

صف ما يأتى:شعورك لما بتسمع كلمة مصر
حس بلو بسمعها على قناة اخبارية بعرف انى فى مصيبة

وبقول ربنا يستر
لو بسمعها كده فى خيالى يعنى بفتكر كل حاجة حلوة فيها

الناس وطيبيتهم

العيال اللى مش هاممها الحر وقاعدة بتلعب كورة فى الشارع

المظاهرات الامتحانات

الطلبة اللى تايهة لسة ...اخواتى اللى بحبهم

وبحبها علشانهم
ماهى مصر دى انا وانت وهيا وهو..وباباى وباباكم واخواتى واخوتكم هيا دى مصرانتم..

وعلشان بحبكم بحبها

.......................................................
شعورك لما بتسمع كلام عن اليهود؟
بفتكر الدرة وطفل الحجارة

والاستشهاديات والكتائبب

ضايق لكن ببقى من جواية واثقة ..التكبير راجع...والمسجد راجع

وهتدور الدايرة عليهم تانى وعد من ربنا...وهيتحقق قريب باذن الله

...........................

شعورك لما بتشوف ظابط شرطة؟

مش عارفة هو لما بشوف اللى فى الجامعة او براها على البوابات ايام المظارهات وكده

ببقى عايزة اقولهم ريحوا نفسكم

بس عارفين..

انا معرفش لسة الفرق بين ظابط الشرطة وظابط البحرية وكده

رغم ان اخويا فى الجيش حاليا..وظابط برده سبحان الله

بيقضى الخدمة العسكرية وبيسدد دينه لمصر بلده

الا انى احيانا بقابل ظباط شرطة طيبيبن واحيانا بقابل ناس شريرة

علشان كده هعتبرهم زى اى شريحة فى المجتمع

فيهم الطيب وفيهم الشرير

وخلاص....

لكن بتاع الامن المركزى ده

لا

لا مش بحبه..مهما كان

حتى لو كان شكله طيب وغلبان برده مش بحبهم خالص

...............................

شعورك لما بتشوف الكناس العجوز فى الطريق؟

وانا صغيرة كنت بعيط

لما كبرت بقيت اعيط من جوايا

حرام..والله ياناس حرام

خايفة ذنب الناس دى يكون فى رقبتنا ورقبة كل الناس

كل اللى يقدر يقول للظلم لا..

....................

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

اولا هيفكرنا بشباب المملكة وهو رايح ..

بعد لما افتكر دهو افتكر انى هنا فى مصر

هدعى ربنا يثبته على الطريق الصح

وانه قلبه يكون ابيض زى ثوبه

و خلقه جم..وهمته لنصرة الدين بالعمل والقول عالية

واهم حاجة تعامله مع الناس ..بلاش ينفرهم ويخلى صورة وحشة عندهم تتكون

.............................................

احساس يراودك فى اشارة مرور مغلقة بسبب مسئول كبير؟

بقعد اهدى فى اللى بيسوق سواء سواق تاكسى او اخ من اخواتى

ما تتنرفزوش يا جماعة

هدووا اعصابكم النرفزة مش هتعلم حاجة

لكن ببقة من جوايا الصراحة بغلى ونفسى اطلع اهزء كل اللى فى اىا لبوكس اللى قافل الطريق

وبعدين هرجع لايام سيدنا عمر

حكمت فامنت فنمت ياعمر

نام..مش عدى من الشارع

..............................................

همرر التاج

باذن الله

يقين النصر

شقاوة شعب

لماذا نرحل

أبو جلال المصرى

سيبقى الأمل