كل يوم تنتصرين..*فى ذكرى الفرقان*

كل يوم تطلعين فيه على حدودٍ تقيدك

تخنقك

وتصمدى فى وجهها لا تبالى..

تنتصرين

:

:

كل صباح تستيقظين فتجدينهم يزيدون التآمر ..

يزيدون فى جراحك

يزيدون فى حصارك

..وتصمدين..

تنتصرين

:

:

كل ليلة تلفين مرضاكى برياح دافئة

تهدهدى صغارك الجوعى بترانيمك

وترسلى فى الأحلام لأهلك السلام من شهداءهم..

لترفرف فى أفق سماءك .. فتحميك..

تصمدى

و

تنتصرين..

:

:

كل يوم تودعين فيه شهيدا

أو مريضا

أو أسيرا

تصمدين ..تزغردين

تدمعين لكنك ,, تنتصرين..

,,

كل يوم هو عيد انتصارك

يــاغزة

بوركتِ ..و بوركت أرواح أبناءك

..

لذكرى حرب الفرقان الأولى

سيدة من روسيا

كأى طالبة مغتربة عن وطنها فى الثانوية العامة ..
كنت منذ ستة اعوام
أنام واستيقظ على هم واحد.. كيف سأجمع كل هذه الدرجات لأعود بمجموع لا يقل عن 100% لأتمكن من دخول الجامعة
.. وليست أى كلية بالطبع.. بل أمام اختيارين لا ثالث لهما ..طب أو طب أسنان..
حين أتذكر ذلك لا أكف عن الضحك
لم يكن فى يشغل بالى أى شئ .. أو بمعنى آخر كنت أعزل دماغى عن كل شئ.. غير متعمدة طبعا
.. هددت أمريكا بضرب أفغانستان و بدأت ابداة الافغان .. غدا امتحان فيزياء
هددت أمريكا بضرب العراق.. غدا امتحان كيمياء
الفلسطينين يثورون وينتفضون .. نتيجة امتحان الرياضيات لم تكن كما توقعت . لقد سقطت منى ربع درجة
حملة اعتقالات واسعة بمصر وامن الدولة يقتحم الجامعات .. ياترى كيف شكل امتحان الأحياء غدا
هكذا قضيت ذاك العام ..
كانت فسحت روحى الوحيدة هى للـ حرمـ
ففى الحرم المكى شيئا يشدك لجلال الله .. ينسيك همومك .. او يجعلك أقرب لله ..تسأله ..تدعوه
ونفسك مطمئنة
ذات جمعة جلست فى الجزء المخصص لصلاة النساء .. بعد صلاة المغرب والطواف
وكل همى ذاك الامتحان الغبى الذى كنت أخشى حتى التفكير فى نتيجته
جلست انتظر آذان العشاء
أرخيت رأسى للأرض .. وكلى يقين أنى ساعود لبيتى وقد غسلت روحى من همومها
وفجاءة ..تسلل لنفسى ذاك الاحساس الذى أتوقع ان كثيرون يعرفوه
حيين تشعر أن احدا خلفك ينظر لك.. والتفت بالفعل .... لأجد احدى من هن خلفى تنظر لى
تصنعت عدم الاهتمام.. ربما حين التفت نظرت
مرة اخرى أحسست انها تنظر لى .. التفت وجدتها تبتستم ..
ابتسامة جدتى .. رغم انها بدت أصغر سنا من جدتى
كانت تبدوا من ملابسها و وجهها انها ليست عربية ..اما تركية ...او ربما روسية واستبعدت ان تكون ايرانية لان زيها ليس ايرانيا
بحكم مخالطة الأجناس المختلفة .. تتمكن أحيانا من تحديد الجنسيات دون القاء نظرة على جوازات السفر
نهضت هى و جلبت مصحفاً وجلست أمامى مباشرة
ابتسمت هى وربتت على كتفى .. ونطقت عبارات انجليزية مكسرة
فهمت منها انها روسية من احدى البلاد المستقلة .. اتت مع ابنها
سألتنى من أين انا وحين أخبرتها لم تفهمنى .. أدركت انها من بعيد ..من بعيد جدا
والا لكانت عرفت ام الدنيا :)
انت حين تقرأ تلك الكلمات تظن انها فرصة للتعرف على أقوام أتوا من البعيد
ولاكون واضحة رغم ان السيدة بدت طيبة .. الا انه كان دائما هناك تحذير من الكبار بعدم التحدث مع الغرباء
لذلك لم أزيد حرفاً على
egypt
وسكتت .. وقد شق علىّ ذلك .. ولكنها تعليمات واضحة وصريحة..
لكن هى لم تسكت
فتحت المصحف فى منتصف وأشارت لى بيد ان أقرا واليد الأخرى كانت تربت على كتفى
أنا ..أنا أقرأ لك
ابتسمت لى .. وبدأت انا أقرأ لها
"طه 0 ما أنزلنا عليك القرآن لتشقى .0 الا تذكرة لمن يخشى"
لتبدأ هى بالنحيب ..
دموعها بدأت تهطل على خدودها المشققة
تبكى هى
وأنا تدمع عيناى
انك حتى لا تعرفى ماذا أقرأ..
هل تعرفى معنى العرش؟؟ هل تعرفى معنى الثرى
اتبكين شوقاً للقرآن وخشية ..
رحماك يا الهى
كم مرة اقرأها .. بل انى أحفظها ..كم مرة بكيت مثلها
سيدة اتت من روسيا .. لا يعلم الا الله ما مرت به لتصل لهنا ولتبقى على اسلامها
ثم هى تبكى .. وتربت على كتفى وكأنها تعتذر لى .. انها هى من اعطتنى أقرا لها
ولم اتطوع انا لذلك
خنقتنى عبراتى ..
ودموع بكاء القسوة كم تكون محرقة
سبحانك يالله .. ومن انا لترتب على كتفى والله انها هى من تستحق قبلة على رأسها
والله انها من تستحق أن أجلس لها أقرأ لها من القرآن
أردت ان أسألها كيف أسلمت .. ماذا تعرف من الاسلام ..
أردت أن اخبرها انها ستجد نسخة مترجمة للروسية وكتب دينية للروسية فى مكتب توعية الجاليات
كنت كعادتى لدى اسئلة كثيرة
وكعادتى أيضا لم أسألها .. حتى انى نسيت ان اعطيها قبلة على رأسها
وجاء صوت الملا مؤذن الحرم ..لينهى تلك الأسئلة
والتى لن يكون لها يوما اجابة
عادت لصفها ..
وبقيت أنا انظر لها وفى رأسى ألف سؤال
أماه .. من أين أتيت
فى أى أرض تعلمت الخشوع للقرآن
من علمك أن للقرآن خشية
اماه..
كيف ثبتى على اسلامك..
كيف نجوت به من شر الروس؟
هل صحيح ان الروس يستخدمون قنابل ترفع كل الاكسجين الموجود فى الهواء فلا تبقى حتى بذرة الا وقد ماتت
أماه .. هل تعلمتى الصلاة كأم صديقتى التركستانية تحت الأرض .. فى قبو خوفا من شر العملاء لروسيا
هل أحرقوا كل مصاحفكم .. أيضاً
اماه ..أخبرينى عن المجاهدين ..
عن الشيشان
هل وصلكم ما جمعناه فى العيد الماضى ليقيكم شر البرد
هل تعرفى انا نذكركم فى الدعاء مع فلسطين
اماه اجيبينى ..
هل ما نقرأه صحيح من أن الملائكة تحارب مع المجاهدين

مهلاً .. امى انتظرى ..
لك عندى قبلة على رأسك

لك وعد بأن انصرك .. حتى وان لم ألقاكِ
ان قابلت روسية مرة أخرى ..
سأقرأ لها القرآن و دون أن تطلب منى
سأربت أنا على كتفها
سأطلب منها أن تدعو لى

..

تذكرتها
حين قرأت تلك الرسالة
http://al-chechan.blogspot.com/2008/05/blog-post_06.html

لا أدرى لم نسيناهم .. لم غابوا عنا .. المسلمين هناك

دعوة للجميع
ساندوهم
http://al-chechan.blogspot.com/2008/04/100.html

كفاهم غيابا عن حياتنا
و
كفانا بعداً عنهم

خليهم دايماً على بالى

اللهم إنى أبرا إليك من أفعال حكومتنا باخواننا الفلسطينين

اللهم وانهم اعتقلوهم و أرهبوهم على أرضنا وأعدوا عدتهم ليحاصروهم او ليقتلوهم

فاللهم عليك بهم فإنهم لا يعجزونك

اللهم وإنى ابرا إليك بمن عاون الظالمين عليهم

اللهم إن أبرا إليك من كل عميل للصهونية أو جبان أعان على قتل إخواننا

اللهم إننا حيل بيننا وبينهم

يارب

يارب

يارب

اليهود من خلفهم وحكومتنا الظالمة من أمامهم فاذن لفرج من عندك قريب

يارحمن يارحيم يا ذا العزة والجبروت

نقسم عليك إلا تنصرهم وتثبتهم

يامن لا يعجزه شئ فى الأرض ولا فى السماء نسالك أن تفرج عنهم

يارب بك استغثنا على عدوهم وعدونا

يارب إليك لجأنا لتنصرهم وتنصرنا

يارب إليك تحاكمنا فيمن ظلموهم وظلمونا فانزل علي الطغاة بأسك الذى لا يرد عن القوم الظالمين

ياالله .. يالله .. يا الله

أنينهم بات يذبح قلوبنا .. وصرخاتهم خرقت أسماعنا .. ونداءهم أبكى عيوننا

فمن لهم إلاك؟؟

فمن لهم إلاك؟؟

فمن لهم إلاك

؟؟

أتساءل عن من تغنوا بالضمير العربى المقتول .. أين هم الآن ليتغنوا بالجيش المصرى المحتشد على الحدود

والمستعد لاطلاق النار والقذائف من الدبابات والاربجى على اخواننا المحاصرين ان فكروا فى عبور الحدود

يارب

خليها دوما على بالى

---------------------------------

السؤال المعتاد هذه الأيام

متى تظهر نتيجة مادتك

!

و كانه عامى الأول الجامعى.. و كأننى لم أدرس 10 ترمات سابقة

و الكل ككل عام يكاد يجزم بنظراته أنى أعلمها

أو وكانهم استيقظوا اليوم وفجأءة

اكتشفوا

..

أننى لست عميد الكلية

أو

ياللصدمة

لست الوكيل أيضاً

:)

ربنا يطمنهم علىّ دايماً

- -- --- -- --- -- -- -- --- --- -- --- --- --

أجلس بجواره .. أفتش عن مفتاحه

وكل مرة ..أصطدم بذات الجدار

ليست أبواب.. بل أسوار

لا مفاتيح هنا .. صدقينى

فقط أسوار..

و انا لا أجيد التسلق بعد

قد أتأخر .. و سيغرقه حتما الطوفان

كن معى يارب لانقذه .. وأعيده سالماً

كن معى .. كى أثبت أمام الطوفان

كن معى ..

فلا أحد سيتقدم تجاه الأسوار .. سواى

============================

رسالة فى زجاجة

هل مرة اتخذت ذاك القرار الحاسم و الكل عرف انك لن تتراجع فيه..

ثم فجاءة تتبدل وجهة نظرك..تغير موقفك
والسبب ..رسالة.. ??
رسالة من الله عزوجل..أرسلها لك .
.قد تكون كلمة سمعتها..موقف توالت احداثه امامك..صورة ..ليتغير موقف..

وتتبدل حياتك ولو مؤقتا؟؟ ولا تجد سببا لتغير موقفك..
سوى تلك الرسالة
!!

هل مرة بلغ منك الهم منتهاه
و لكنك تصر على اخفاءه..لانك تعلم يقيناً..ان ديننا لا حزن فيه ولا خوف
وفجاءة .وانت ممد على سريرك تحاول ان تقنع ذاتك بخيار النوم
.ياتيك اتصال على موبايلك.. انت لن ترد..و ماذا سيضر العالم لو لم أرد؟؟هل ستخرب الدنيا؟؟ و ماذا يريد العالم منى..؟؟
ليس لديك حتى فضول لترى من المتصل..
ولكنك وفجاءة تهرع للموبايل..وكانك ترسل رسالة استغاثة لكل الدنيا
انقذونى..انتشلونى من همومى..اريد ان اتكلم ..اريد ان اخرج من دائرتى
اريد ان اخرج من ذاك الروتين الذى كاد يقتلنى
يارب يكون المتصل اى أحد غير فلان وفلا وفلان
ولكن الرنين يتوقف..لتجد لديك رسالة واردة من نفس المتصل
فيها تلك الكلمات
وحشتنى جدا..حبيت بس اطمن عليك
!!
يارب تكون كويس
رباه..
تجرى اتصالا به..وانت فرح.. متظاهرا انك بخير وان كله تمام..وانه لا جديد..
تنهى المكالمة
تتنهد وابتسامة على وجهك..ليست ابتسامة رضا وحسب بل هى حياءا من الله
طلبت ان يسمع العالم كله صوتك..والله أقرب إليك لم تسمعه صوتك فى دعاء..فى ركعتين فى جوف الليل ..فى سجدة
رسالة..غيرت يومك..وغيرت فيك الكثير
!!

كم رسالة تأتينا فى حياتنا تغير دفتنا تماماً
كم رسالة تؤثر فى حياتنا أكثر مما تؤثره فينا الكتب والاحداث
؟؟

راودتنى تلك الأفكار وانا أقرأ رد لرسالة
أرسلتها لغزة
لا أعرف من استقبلها..لا اعرف ان كان بخير..ام كان طبيعة الموقف يفرض عليه ذاك الرد
كلمات الرسالة كانت قليلة
صامدون فى غزة حتى الموت..بارك الله فيكم..نسأل الله لنا ولكم صلاة فى المسجد الأقصى قريباً

صامدون حتى الموت ..
بالطبع استقبلت منذ بدأت ارسال رسال لاهلنا فى غزة العديد من الرسايل
وحتى رسائل حملت نفس الكلمات
وكانه شعار ..ردا على شعار نحن معكم.
الا ان تلك الرسالة ..كانت مختلفة
جاءت وانا أقف وسط امواج الحيرة ..و تكاد تعصف بكل قوتى. ..

لتلقى بى فى نهاية المطاف على شاطئ قلة الحيلة وضعف القوة
و هدوء قاتل يعصف بهمتى..ليقتلها بعد ان يتغلغل فى كل ممرات عزيمتى
تلك النهاية التى طالما امقتها..وارتعب كلما تخيلتها
أتت تلك الرسالة..
و كأنها .. رسالة فى زجاجة
ألقتها لى الأمواج
لتخبرنى أين الشمال..و أين وجهتى..
ولا أدرى
هل أبالغ ان قلت انها ذكرت كل تفاصيل رحلتى؟؟

صامدة..

مازالت غزة تحت الحصار

و

مازلت صامدة

دعاء و صيام و استغفار حتى فك الحصار

التصميم كاملاً..خلفية

لن ننسى ..

التصميم كاملا

لن ننسى المجزرة

ولن

انساكى غزة

التصميم كاملا

وما من كلمات سوى ..كونوا معهم بكل ما تملكون..

كونوا معهم.. وابقوا بالقرب منهم

للاتصال على أرقام البيوت فى قطاع غزة

00970599 ثم أى ستة أرقام

و

للاتصال على الهواتف المحمولة فى قطاع غزة

او ارسال الرسائل

ثم أى ستة أرقام اخرى00972599

صمتاًً..

لدى ذلك اليقين الذى يخبرنى

اننا لن نتحرك الا فى مكاننا

ولن نثور الا لنسمع أنفسنا فقط

...

كما لدى ذلك اليقين

الذى يخبرنى أن الله حاميهم ..ناصرهم..مثبتهم

""""""""""""""

علـِمونا أهل غزة..بصمودكم

علمونا ...حتى بصمتكم

علمونا فمازال البعض ..يسأل لم المحنة؟؟

لم شعب أبى طالب عاد؟؟

لم تكالبت الأحزاب؟؟

وتعالوا نعلمكم كيف السكوت

كيف البكاء بمرارة دون أى صوت

كيف تواروا الدمع عن الخد

كيف تكتموا الصرخات

تلو الصرخات

كيف الآه تحبسها و تكاد تفجرك لأشلاء

كيف النور بأيدينا ..وننام

لنراه عندكم .. فى الأحلام

--------------------

كل يوم إسأل نفسك ..أين هم من يومك؟؟

ولنكثر من الاستغفار والدعاء ودعوة الكل للتبرع

الاسبوع اللى فات

سبحان الله اول الاسبوع اللى فات كنت مضايقة جدا

واخر الاسبوع اللى فات برده كنت فرحانة جدا

سبحان الله

ايييييييييييييييييييه دنيا


فرحانة لانه اخيرا شفت عائلتى( اللى هما يعنى اخوالى وكده) بقالى مدة كبيرة مش شفتهم...
ده فيهم ناس مش شفتها من سنين...الحجة طبعا معروفة....الدراسة
بس دلوقتى خلاص
مافيش حجة
بس شكلهم كن حلو ماشاء الله وهم كلهم موجودين
قد ايه اللمة بتبقى حلوة..
بس ياريت تتكرر تانى.لان ده مش بيحصل ولا حتى فى الاعياد
بالنسبة ليه يعنى
..


طبعا مش هقول كنت مضايقة من ايه
علشان من الواضح انى لا انتم ناقصين ولا المدونة نفسها ناقصة

بس انا بقة دلوقتى كمان مبسوطة علشان الكهرباء رجعت لغزة وحتى لو كان مشروووط
بس برده انا فرحنالهم ..
احسن الكهرباء لما بتقطع عندنا ..
بيبقى ناقص نجيب جمل ورمل ونقعد ونبقى ساعتها كاننا بالظبط فى صحراء

الحاجة الوحيدة اللى بتبقى شغالة فى البيت هيا والبوتاجاز

لا ماية ولا تليفون وكفاية المرواح والكمبيوتر

بجد كل ما اتخيل انهم فى غزة ممكن تنقطع عنهم الكهرباء

بدعيلهم
ربنا يفرج عنهم يااااارب..

من اجل المحاصرين فى رفح

نداء لكل مسؤؤول

وكل واحد يقدر يقول لاى مسؤول افتح المعبر

................................زز................................................

جزى الله خيرا صاحب مدونة فوضى منظمة على الصورة والعنوان

...........................................................................................................................................................

بجد يا جماعة سامحونى..

سامحونى انى مش عارفة اعمل علشانكم اى حاجة

سيبتكم تتبهدلوا فى ارضى

خليتكم تتهووا على ارضى

خليتكم تناموا على الارض

خليتكم تجوعوا ,.

سامحونى

بلاش تستغلوهم..بلاش تبعوهم..

دول اخوانا يا جماعة

اعتبروهم لاجئين

مستجيرين

اى حاجة

بلاش ما يفتكروش لينا اى حاجة حلوة

مش نبقى احنا

واليهود

والحكومة اللى قافلة المعبر
.......................................ز..................................................................

\

انا والثورة وابو سويلم

زى كل سنة...بستنى يوم 23 يوليو بفارغ الصبرعلشان اشوف فيلمين

الارض

و
احنا بتوع الاتوبيس


الافلام دى مش بلاقيها مجتمعة كده الا فى الايام اللى زى دى
طبعا بحتل التليفزيون واقعد اتفرج على افلام دى طول اليوم..
واحيانا بشوف الاتنين بس ..مرتين او تلاتة فى اليوم
وكل مرة بيبقى جنبى علبة المناديل
الا انى برده بتفرج عليهم اكتر من مرة
............
بصراحة فيلم الارض..
وان كان بيحكى عن التتلاتينات الا انى بحب فكرته
ازاى انه كل واحد فى حاله .
.وفجاءة مشكلة الرى دى بتطلع مافيش مايه من ضمن الظلم اللى كانوا بتعرضوله
يثور الفلاحين المساكين..ولما بداوا يتوحدوا
فجاءة كل واحد راح لحاله..وسابوا محمد ابوسويلم (محمود المليجى) لوحده..
سابوه..فى الارض ..سابوه لوحده يجروه عساكر الاقطاعيين على الارض
وصوت الناس بعد ما كان بيغنى نورت يا ورد النيل
وقف...و صوت واحد هو اللى كان بيغنى فى الاخر
الارض لو عطشانة ..نرويها بدماناا
لارض لو عطشانة ..نرويها بدمانا



صح الفيلم ده بيتكلم عن الثلاثينات واخرها
لكن بحس انه فى حاجات كتير زينا فى 2007
فى مليون مشكلة...مش بس الرى
عندنا مشكلة المايه..وفقر المياه اللى مصر مقبلة عليه
عندنا مشكلة لم الناس اللى بتصييف
عندنا مشكلة رفح..وان احنا زى ما بيقولوا بقينا سجانين للفلسطينين

بحس مش عارفة اعمل ايه؟؟
اقول لا لمين؟؟
اروح فين واسجل احتجاجى
طب اعمل ايه؟؟ياربى
بعد ما ماعقدت اعيط شوية على جابر ومحمود فى احنا بتوع الاتوبيس
وشوية على ابوسويلم اللى بيقطع قلبى فى المشهد الاخير

لقيت النوتة بتاعتى
قولت اكيد كان فيها حاجة غير انى اقعد احصى المشاكل

يوم الخميس
هام جدا..وعاجل

مهرجان متفائلون بالصيادلة


كان الجغرافى صاحب مدونة نفسى فى حاجة
http://nefsy-fe-haga.blogspot.com/

بعت فى كومنت قال عليه وسجلته على طول


وبعد إذنه خدت كارت دعوة









ياااااااااااااااااااااااه قد ايه فرحت
رغم كل اللى شفته وحسيته

متفائلون ..هروحه باذن الله

بكرة
...

بس افتكرت حاجة

وده اللى خلانى اكتب البوست ده


انا عارفة ان كتير مش بيحبوا يروحوا
اللى تقولى بعيد
واللى تقولى مالوش لازمة هو مرواحى هيعمل ايه
واخوات..وده اللى بيغظنى


طب ليه..ليه لما نلاقى حد بيتحرك مش بنتحرك كلنا

ليه نسيب ابوسويلم لوحده فى الارض


مقتنعة ان المهرجان صح...طب ليه مش تيجى
ليه؟؟
هتتاخرى..تعالى ساعة وروحى


مش حفلة سفراء يعنى علشان تقعدى للاخر
نوريهم بس..

جماعة بجد مافيش زى منظر الناس وهيا متجمعة على حاجة زى دى


فد ايه المنظر ده بيرفع من روحنا


ما بالكم باللى بيعانى بقة


حبايبى الدعوة عاااامة..كله لازم يجى
واللى عرف متاخر مالوش حجة


فى الجمعة كمان باذن الله..


الله يخليكوا ....تعااااااااااااالوا