شتاء تدوينى..
كل أملى أن لا يطول
-=---=--=---=---=--=-
(أعتذر أن هذه التدوينة بالعامية)
الأسبوع الماضى
..دخلت المنزل وعلى غير عادتى
وجدت أخى الصغير ..صغير جدا( فى اعدادى هندسة :)..يستقبلنى مستبشرا
ليس ابتسامه هو الغريب فقط .. الغريب ايضا وجوده فى منزلنا قبل أن تخلو الشوارع
سألنى..-:شفتى اللى حصل؟؟
-؟؟ خير
-لا لما نتفق..هتدفعى كام
-لا معلشى ..نتيجة الثانوية بتاعتى كانت من زمان دفعت خلاص..
-طب الخبر ده مجانى..انا نزلت الحلقة الاخيرة من مسلسل-!!
(prison break)
صدم صدمة عمره حين اكتشف انى لم اكن اتابعه..
واعتبرنى جاهلة حين قلت له..المسلسل له نهاية..لكن مسلسل سجننا هذا متى ينتهى؟؟
مضى يلوم نفسه على الحوار الفاشل معى و كيف ان القدرجعلنى اخته وعلى تلك الدقائق التى قضاها معه
وأنى كدت ألوث دماغه بأفكارى المسمومة ..
ليختم رافعا صوته : و أصلا لم ينتهى المسلسل .. هناك جزء رابع
خليكى اتفرجى على السجن الكبير اللى احنا فيه..انا بقة هتابع الجزء الرابع
!!
اندهشت صراحة..هل حقا أنا دروى فقط مشاهدة سجنى وأستتلم لذلك ؟؟
أم أنا شاهدة خارج القضبان سأقسم اليمين وأنطق الحق ولو كلفنى عمرى؟؟
أم مساهمة فى معاقبة أبرياء بصمتى ؟؟
---=-----=-----=-----=----=----=------=----=-----=---
قبل أسبوعين
حدث موقف هو الأسوأ..أردت أن أريح ضميرى بكافة الوسائل
واليوم قررت سأكتب له هنا..
ما أتحدث عنه الآن هو أحد الاساتذة فى كليتى والكل يعرفه..هو يدرس لقسم آخر
ولكن دفعتى المحظوظة سعدت بالفعل بتدريسه لنا احدى المواد الخارجة عن مجال دراستنا
..تتعلق بالكهرباء..واحنا مدنى ..(وبصراحة مادة من بره القسم يعنى مادة منبوذة)
الا انها كانت مع د.مجدى المحترم شئ آخر
والله أقدر هذا الاستاذ واحترمه جداااااااا
إلا أننى فى أول الدراسة فى هذا الترم..إفتتحته بغلطة فظيعة
كنت بمر على القاعات أسلم على اخواتى لأفاجأ بنفسى أقف على باب المدرج المقابل لوجه الدكتور
وأشير لوحده صحبتى فى قاعة المحاضرة ..بيدى
(أنا هنا فى الكلية.. هشوفك بعد المحاضرة ..سلام بقة دلوقتى)
كل ده عملته بايدى والدكتور واقف قصدى وانا بحسبه لسة بيمسح فى السبورة
لأفاجأ بنظرة
مافيش داعى أوصفها لنفسى دلوقتى..
-----أحسست بقمة الحرج---
وأردت أن أعتذر ..وعادة ما أعتذر فى مثل تلك المواقف
الا اننى(خدت بعضى ومشيت) ولا كانى عملت حاجة
!!
بجد فكرت اطلع بعدها واعتذر و بعدين قلت اكيد هيتنرفز اكتر
اسكتى بقة..خلاص..مبسوطة..
أحيانا بيبقى الانسان اللى غلطت منه ممكن بسهولة تروحله وتخبط على بابه وتعتذر
بس ما بتقدرش
هو ده اللى وجع ضميرى..انى مش عارفة
أقوله:
د. سعداوى أنا بعتذر ..والمرة الجاية هبقى ابعت رسالة على موبايلها
بجد بعتذر.. و ماكنش قصدى اى حاجة..انا بجد ااااااااسفة
:(غريبة
ضميرى لسة ندمان..
..
----=---=----=--=--=---=---=----==--=-
كثير من المهام ..لا يضر
كثير من الاعمال.. لا يستنفذ طاقتى
كثير من الارتباطات لا يستهلك صحتى
ما يستنفذها هو اصرارهم على النقد و اصرارى على المواصلة
يستمدون اصرارهم على انهم الاقدر لتوجيهى من تجاربهم..ومن مخذون ذاكرتهم
فمن أين على أن أستمد إصرارى لأوجه نفسى ..ولو قليلا..بعد إذنهم ؟؟