أنت فقط لديك امتحان

عندما تجلس ساعات وساعات تحاول ان تمنى نفسك بان المادة ستنتهى وان الامتحان سيمر..

وانك ستكون بخير ..هذه ليست اول مرة تذهب فيها لامتحان وعلى الرغم من ذلك..

انت ترتجف من مجرد نظرة لكومة الاوراق

..فلا تقلق

انت فقط ليدك امتحان

حين تفاجأ انك قضيت على كل ما فى الثلاجة حتى فتشت الأدراج وانت على يقين انها ليس بها طعام لتغلقها متذمرا

وتتمتم بعبارات انك الوحيد المسكين فى المنزل الذى استيقظ فلم يجد سوى ستة ارغفة من الخبز وجبن ومربى وحلاوة وبيض و ربما لحم مفروم و.. و.. و و ولم يراعوا انك فى فترة امتحانات فاكتفوا بذلك

ليتسلل لك احساسا بالاضطهاد فى منزلك...قاوم احساسك هذا ..

انت فقط لديك امتحان

حين تمضى فى مذاركتك وفمك دوما محشو ..حتى لو بحلوى ..

وتظن ان فى معدتك ثقب..وتتجاوز مرحلة الظن لمرحلة اليقين حين تتاكد انك ابتلعت كل ماوصلت اليك يداه..

لا تهرع للطبيب..

انت فقط لديك امتحان

حين تغفو قليلا على كتابك وانت متاكد انك للتو استيقظت وعلى الرغم من ذلك تخدع نفسك بانها دقائق قليلة

ستخطف فيها النوم

لستيقظ بعد ساعات ..جسمك كله يشكو عظمة عظمة ..وتهرع للسرير لتريحه لدقائق

ثم تستيقظ فتجد نفسك فى يوم جديد وقضيت الليل كله نائم ..وتتهم نفسك بالبلاهة والغباء

وتود ان تقيس معدل ذكاءك الذى تتدهور خلال هذه الايام...

لا تشغل بالك بالغباء وما شابهه ..

انت فقط لديك امتحان

حين تحاول ان تبقى متيقظا وكل ساعة تطلب كوبا من شاى او قهوة او كوفى ميكس وتصطدم بحقيقة واحدة

انك لكى تنهى فصلا واحدا من عشرة فصول استهلكت اربع فناجين قهوة وخمسة من الشاى واثنين من الكاكاو

وانت الان تشرب حليب بالشاى تلوم نفسك وتود ان تضع الكوب جانبا .

لا تضعه..استمر ...

انت فقط لديك امتحان

حين تنهى طعامك اقصد وجبة الغداء تحديدا و تحاول ان تكسب قلب أمك فتحمل أطباقك الفراغة وتمضى بها للمطبخ وتضعها....

وتنتبه انك تفتح باب الثلاجة لتضعها فبه وتكاد تصرخ فى نفسك..هل جننت؟؟..تهذى وتسر لنفسك بحديث..

يا خسارتك ياعم ..يا خسارتك يا دماغى ..

تضع اطباقك فى الحوض ليسمع الجميع صوت الارتطام ..لتعود وتانب نفسك على أفعالك التى لا تنتهى

...لا تلوم نفسك كثيرا ..

انت فقط لديك امتحان

انت فقط لديك امتحان

و لكنـ تذكر

! !

كثيرون يتمنون ان يكونوا مكانك فى جامعتك ..فى كليتك...فى قسمك

ولكن حرمهم الفقر او المرض او حصار او ظروف يعلمها الله

فاحمد الله ..وأد حق نعمته

كثيرون لا يعرفون من أين يبدأوون..

انت غيرهم ..أنت تعرف كيف تصل لمصحفك سريعا

وكيف تقوم لله ركعتين

تطلب تفريج هموم والاستعانة به والتوكل عليه

فكن على يقين..من توكل على الله فهو حسبه

كثيرون يحتاجون لدعمك نفسيا وحتى علميا ..كن معهم ..فالمسلم للمسلم كالبنيان

شد من عزيمتهم.. و اهتم لاخبارهم ..وكن دوما بجانبهم

مهما ارهقوك ..مهما اصابك الغم..

تذكر انت تفرج كربة عن مسلم ..فانتظر تفريج رب العالمين لك فى الاخرة

كثيرون يقضون الامتحانات هذا العام مثلك...فى الجامعة لكنـ

والده أسير فى سجون الاحتلال

أو معتقل فى سجون الطاغين

فتذكرهم بالدعاء دوماً ... وتلك دعوة بظهر الغيب ..فهنيئا ..

فلك مثلها

لا تمض يومك كئيبا صامتا تنشر العبوس فى وجه كل من تقابله ..

فديننا ليس لضعفاء الهمة..كن بشوشا ..هشا ..لينا

فصدقتنا ابتسامة فى الوجوه. . .

اللهم أني اسألك فهم النبيين وحفظ المرسلين و الملائكة المقربين

،اللهم أجعل ألسنتنا عامرة بذكرك و قلوبنا بخشيتك و أسرارنا بطاعتك أنك على كل شيء قدير..

حسبنا الله و نعم الوكيل

----------------------------------

النت عندى مفصول هذه الأيام ولا استطيع متابعة مدوناتكم الرائعة

يظهر انه متضامن مع الكبار

حالما يعود..أعود لمتابعة تدويناتكم

استهتار وجشع وجنون

كم هو مروع ان تعود لمنزلك بعد يوم شاق..مكتظ بالمهام

تتلهف لسريرك وبعض الهدوء..وقليل من دفء منزلك

لكنك تلتفت حولك

لتجد المساحة المخصصة للبرج الذى تسكن فيه وفيها غرفتك

وسريرك وكل ماتملك ..أنت وعائلتك

فجاءة تحولت لبقايا ركام خرسانى

ذاك البرج القائم الشاهق وما حواه من أحلامك

من أيامك

من كل شئ ..كل شئ إختزل فى بقايا

بقايا ولا شئ

..
ربما تكون محظوظاً لو لم تكن ودعت امك صباحاً

وتركتها فى المنزل تحاول ان تكسر وحشة الوحدة

وتفتح تلك النوافذفى غرفتك

وغرفة الطعام و غرفة اخوانك..

وتسمح لأشعة الشمس بالتسلل رويدا..رويدا..حتى تملأ المكان بالدفء

هى لم تكن تعلم أن الشمس

كانت تمارس طقوس الوداع للبرج

ستكون محظوظا أكثر لم تترك والديك يشاهدان قناة الجزيرة

وكعادتك تنتهدش"حد يشوف الجزيرة على الريق" ولكنك لاتنتظر رد

فالرد معروف..ينتظرون الأخبارخبر..خبر ما

العالم كله شاهده..وهما لم يشاهداه

لم ينقطع التيار..لم يفسد الارسال

ولكنه البرج باكمله صار خبر..خبر فى قناة ما

لا أدرى لماذا تعلمنا ان أقصى ارتفاع للمبانى الخرسانية فى بلادنا36 م لا أكثر

حتى اننى بدأت أشك فى معلوماتى لأقصى درجة

لماذا يقف أستاذ جامعى محترم أمامنا يوميا وعلى مدار اربع أعوام

لا هم له ولا انا سوى اثبات قاعده هامة

التربة فى بلادنا لاتتحمل..

لماذا يجهدون أنفسهم ويجهدوننا فى حفظ اثباتات الأساسات والأحمال والعلاقة بينهم

check وكيف يمكنك عمل
على القطاعات كاملة وعلى التسليح وعلى كل ما لديك

لماذا نكابد ذاكرتنا فى حفظ معاملات الأمان والحد الأقصى والحد الأدنى من كل شئ

حتى اننى لا أدرى لماذا لدى كل أكوام الورق تلك

التى ندرس فيها الخرسانة والأساسات وضغوط التربة

طالما ستذهب الأوراق وغرفتى وأحلامى وشقتى

وسيذهب أبى وستذهب أمى

وتبقى أنقاض الجريمة

ويبقى استهتار المحافظ

و جنون مهندس

و جشع صاحب البرج

وضحكة خبيثة يتردد صداها فى أذنى لكل أطراف الجريمة

و

بقايا من حلم

و غبار يحمل آخر أنفاس الأحبة

و ورقة حوت جدولا

..خرسانة ..أساسات..منشآت معدنية

ثم

نهاية الورقة

و

الصمت القاتل

حداداً أو استسلاماً

======

سينكسر القيد

خطوة لنصرتهم

خطوة نحو تكسير القيد
خطوة واحدة بس
هنا

دى دعوة للمشاركة فى حملة أفرجوا

المسؤول عنها الملتقى واخون ويب ومدونة انسى

رسالة للرئيس

رسالة لحقوق الانسان

ابعت رسالة..رسالة اعتراض

تعالوا معاهم نقول للظلم لا

لا تنس اهل المعتقلين بتوقيعك هناك

كلمة

دعوة

تعالوا نبشر الصابرين

...

شاركوا فى الحملة وتابعوها

وانشروا اللينك..

خلوا الناس تعرف الحقيقة

شوفوا عندنا كام ايميل؟؟كام كونتاكت؟؟

حق الناس علينا تعرف الحقيقة

خلونا نتحرك للنصر

خطوة

خطوة واحدة بس

هنا

..أنتظركم هناك..

صبارتى..كل عام ..وانت مورقة

كثيرون هم الذين نخطئ فى حقهم

! ! ولا نبالى

أدركت ذلك حين اكتشفت انى لم أروى صبارتى

منذ مدة طويلة
.

.

صراحة

كدت انسى ان لدى صبارة

! !

ترى..! كم صديقةً نسيت فى غمرة حياتها

ان ترفع سماعة الهاتف لتقول

كل عام وأنت بخير..عيدكم مبارك

رغم انى حاولت الوصول لها

وتعثرت

؟ ؟

صبارتى. . لم تتذمر منى

كبرت بلا ماء وظلت متماسكة

اوراقها مازلت خضراء . . .

فلمَ على أن أغضب منهن ؟ ؟

أولسن مثلى ؟ ؟

قد يمضى بهن العيد وقد نسين

أن لديهن

.

.

صبارة! !

><><><><

فى عيدكم

لاتنسوا اخوانكم من الدعاء!!

رجاءا

-------------

سيبكم من اللى فات

عيدكم مبارك

والسنة الجاية نسمع بنفسنا تكبيرات العيد فى الأقصى
و نكون هناك طبعا

ان شاء الله

صمام الالم---طقوس الفرح

صمام الألم

---------------

لقد تجاوزَتْ هذه المقابلة وبامتياز من قبل

لذا جلست صديقتى معى تشد من أزرى

لا تخافى..لا تظهرى قلقك لللجنة-

كونى على طبيعتك..أنت وفقط

أخبريهم بشهاداتك

أخبريهم بالدورات التدريبة التى إلتحقت بها

لا تتحدثى كثيراً..

و دع أوراقك تتكلمـــ

شدَّت على يدى

نهضت مودعة

ابتسمَت ..

وبهدوء قالت:

-أخبريهم بكل قدراتك الرائعة

خفضت من صوتها وزادت بسمتها

- لا تنس أن تخبريهم

أنك قادرة على الابتسام بل ونشرها مهما كان حجم ألمكــ

فزعتُ..تنهدت..

اااااااااه...

يبدوا أننى أحتاج

لتبديل صمامــ الألمــــ

فقد اكتشف أحدهم للتو حيلتى

________________________________

طقوس الفرح

الليلة ليلة زفافها

الكل تسابق لتهنئتها

وكدت أسبقهن..قفزْتُ فرحة

لو أملك طيراناً لطرت لها مهنئة

الكثيرات حولى..

هنئنها بطريقتهن الخاصة

شددت على يدها

و بالدعاء وتلك البسمة..هنئتها

علت الأصوات

غابت عن ناظرى..

فلقد كثرت المهنئات

أسرعن خلفها كفراشات حول زهرة

:

:

مالت على صديقتى

سألتنى مبتسمة..مندهشة

الكل اجاد طقساً من طقوس الفرح

إلا انت ! !

ألا تجدى ذلك غريبا؟؟

!

!

حقاً..

وقفت واجمة

طقوســ الفرحــ ! ! أخبرينى

أين تعلمتن ذلك

؟؟ ؟ ؟

لعل بإمكانى أن ألحق بكن

!

!

تغطية المعرض اب حب

عارفة انى اتاخرت

بس بجد باذن الله التغطية تكون كويسة
اللى مش عارف انا بتكلم فى ايه..يرجع لـــ شفتوا اللى حصل
اتفضلوا الصور

معرض أ ب حب


مقتطفات من لوح الجزء الأول( حبى ربنا)..اتفضلوا






مقتطفات من لوح الجزء الثانى(حبى نبيك)..اتفضلوا برده



الجزء الثالث( حبى امتك) كان جزئيتين
الاصلاح يبدأ بك



ومعاه ..اصلاح امتك


آخر ركن..وأحلى حاجة فى الدنيا
الحب فى الله


أسيبكم بقة مع الفيديو..تغطية للاحداث كلها
باذن الله








.......
كل معرض وانتم طيبين
و
ربنا يكتر المعارض

خايفة اكون مش شايفة كويس

انا لسة عند كلمتى..باذن الله
هكمل تاجك يا أروى ان شاء الله
وهنزل صور المعرض
ان شاء الله
ولغاية ده ما يكون باذن الله
حبيبت اجيبلكم الجزء ده..

ساعات بشوف
ساعات

..
ساعات بحس بالضلمة والنور
البرد والشتا
بس ببقى مش شايفة
فعلا ببقى زى الأعمى
محتاجة عنايا
محتاجة دليل

محتاجاك ياااااارب
ياااااااااااارب

تعديل: تم تكملة التاج فى نفس البوست

شوفتوا اللى حصل

معرض ( أ.. ب.. حب) ..المعرض عادى زى اى معرض
معرض لطالبات كلية الهندسة

لكن طبعا عند جامعة المنصورة مش عادى وبالذات اليومين دول

اول ما بدانا نتجمع فى الجنينة ..

وبنسمى بالرحمن هنعلق الشرايط..(الصور هنزلها باذن الله)

المهم لقينا عمو الجناينى واللى احنا متاكدين انه مش جناينى

بيقولونا روحوا الجنينة اللى بعد دى
طب ليه؟؟
طب مش عارف ايه؟؟
نقلنا الحاجة
رصيناها خلاص
وخلاص بنعمل التاتشات الاخيرة

لقينا واحد شكله محترم..وبأعلى صوته صرخ
انتوا بتعملوا ايه؟؟طبعا كملنا ..

ما احنا مش عارفينه
المهم قعد يقول ويعيد وانا هوريكم
وفين الكارنيه..هاتى الكارنيه..
ده تبع مين يا ماما المعرض ده؟؟
واقفى كلمينى..
وانا مافيش اى ردة فعل عندى..

ولانه لم يجد اى اجابة شافية
او ممرضة! !

فبدا يقطع اللوح

مع اول لوحة كانت بتتقطع..كنا حاسيين ان احنا اللى بنتبهدل

كنا عايزين ساعتها بجد نصرخ فيه..حرام كفاية بقة
ادخل شوف اللوح طيب..لو فيها حاجة اتكلم

المعرض عن الحب..والله عن الحب..

لكن طبعا مافيش..مع مين؟؟ده باينه يعنى حاجة وكيل او شئ من هذا القبيل

لانه قعد يقول انتوا عايزين تتفصلوا..هتتبهدلوا انتوا واهليكم

لكن احنا الحمد لله..ماقلناش حاجة غير

استغفار يا جماعة وتجديد نية

(صورة الخبر من موقع اخوان الدقهلية)

اتخانق..وزعق فى الاولاد والفاظ وشد وجذب
وهنجيبلكم الامن

وشوية!
وشوية دى كلمة قليلة جدا بس

هيا كانت شوية

انصرف الرجل ومعه جيشه من الامن اقصد من يدعون الامن

وبدانا المعرض ولله الحمد

ان يحدث امر طارئ..فهذا متوقع
ان يحدث ظلم..فهو ابتلاء ونصبر
أن يحدث كل هذا على بلدك وفى قلب جامعتك.. فهى مأساة بكل ما تحمله الكلمة

المعرض كان رائع والحمد لله..صح بدا متاخر بسبب اللى حصل
و
انتهى بدرى برده بسبب اللى حصل
الا انه كان بجد رائع..(إنما امره اذا اراد شيئا أن يقول له كن فيكون)..
ولا كنا نتخيل انه يكمل
ولا كان علشنا..
ده علشان حاجة أكبر مننا
\
\
إرادة ربنا
..

تعديل: تم رفع فيديو وصور فى البوست اللى فوق ده بدور واحد بس
خلى بالكم من السلمة

تاج..تانى من اروى

خلاص الحمد لله اطمنت على اصحابى..
نبدا بقة نشوف مصالحنا
أروى صاحبة مدونة انا كده..هى اللى كده مش انا
كانت ممرالى تاج..من يوم..لا بلاش اقول انه كان من 11 اغسطس

يالله بسم الله..

هل تحرص بصدق علي تجديد النيه قبل الدخول علي النت؟؟

..امم طيب جزاكم الله خيرا على التذكرة دى..وبداية كده رائعة
....
ما رأيك في جريده الدستور؟؟؟
هعترفلك بحاجة يا اروى بس ده سر
ماليش فى الجرايد
اطلاقا
خالص
وايه اللى يخلينى اجيبها طالما ماشاء الله القنوات الاخبارية شغالة فى البيت
24 ساعة ..ده اقل حاجة يعنى
....
ما رأيك في شويه المدونات دي..(أنا إخوان..إبن أخ....مش حاسكت..جهاد المصري)؟؟
انا اخوان بفتحها كتير بالذات لما بكون محتاجة خبر معين
ابن اخ..بفتحها من وقت للتانى بس مش فاكرة انى سيبت هناك تعليق
مش هسكت وجهاد مش دخلتهم من وزمان للاسف
....
هل بعد قراءتك للإجابتين إللي فاتواحسيت إن أنا أيه؟؟ولا تنسي الصدق.؟
مش فاهمة الصراحة السؤال..مين اللى ايه؟؟
...
هل تثق في جريده الدستور؟؟؟
طب ارد اقول ايه؟؟؟بقولكم ماليش فى الجرايد وعايزة الحقيقة
موقع واحد بس اللى بحب اجيب الاخبار من عليه وانشرها كمان
وانا كلى ثقة موقع اخوان اون لاين
....
هل تعمل في السياسه والعمل العام أكثر من الربانيات والروحانيات؟؟؟

احيانا كتير بحس ان الشغل فعلا بياخد وقت اكتر
بس عارفين اول ما الاقيها خربت والدنيا ادربكت
بعرف السبب...وبقول
راجعلك يارب
بس على فكرة بيبقى احلى شغل
لما يكون الاتنين ماشيين مع بعض
...
هل الدستور تحب الإخوان,,ولا بتستغلها؟؟

هى الدستور دى مهمى اوى كده..امشى يعنى وتكملوا معاها ولا ايه
عامة انا فكرى عن اى جريدة انها عبارة عن مجموعة محررين
يبقى السؤال..المحررين دول بيحبوا الاخوان ولا بيشتغلوهم
؟؟
اعتقد ان اكيد بما انهم شريحة من المجتمع فاكيد فيهم وفيهم زى اى فئة
لو الفكرة دى غلط ..ممكن حد يصلح لى
ويبقى جزاه الله كل خير
-------------------------------------------
معذرة يعني وبدون زعل او اي تاثر تم حذف سؤالين
واحد فيهم ملهوش دخل بالموضوع والتاني مش هجواب عليه عادي بقي

وانا كمان حذفت زي صحبتي مااعرفش ايه هما السؤالين بس اهو هو كدا

وانا كمان تضامنا مع اخوانية واروى مش هجاوب
لانه اصلا مش عارفة السؤالين

-------------------------------------------------
التاج التاني لإمام الجيل.... واللى ممرراه اروى برده

اسم مدونتك؟
tamoooh
ويذ اربيك (طموح)..ترجمة فورية
...
وماهي نيتك من وراء اختياره؟لماذا اخترته
علشان انا بحب اكون طموح
ومن يوم ما عرفت النت وسنينه وانا اسمى
طموح

لكن صبرا ستمضى المحن ..ده الهدف من المدونة
بالنسبة لى على الاقل
هتمضى هتمضى
باذن الله
...
هل فكرت في إغلاق مدونتك؟ والسبب؟
لا ليه خير بس..
ممكن اقفلها فى حالة واحدة بس
اذا ما حققت الهدف بتاعها
برده معايا على الاقل
....
صورتك في المدونة ورمزيتها ؟؟
صورة بنوتة حواليها فراشات صغيرة
مكتوب جنبها ..
جامعتى حرة..
.....
لماذا دخلت عالم التدوين من الاساس؟
فشة خلق..راحة بال
توسيع صدر..واشياء من تلك القبيلة
وانا اتعودت اجرب بنفسى كل حاجة
حتى التدوين..شفتوا ازاى بقة؟؟

بس بجد فى حاجة مهمة انا مقتنعة بيها
انها وسيلة ..لتوصيل رسالة او اكتساب اصدقاء
و انا افضل الاتنين مع بعض
....
جمله قيلت لك فى وصف مدونتك؟
تقريبا كل اصحابى مش بدونوا
بس مرة واحدة بحبها جدا فى الله وليها معزة( بفتح الميم) خاصة عندى
قالتلى مدونتك رائعة جدا..وأنا بحبها..
..
التعليقات بالنسبه لك ,اهميتها؟
بناءا على ان اصحابى مش بيدونوا ..فأنا بستنى التعليقات من المدونين
لكن اصحابى بستناهم يعلقوا ....
بس فى وشى على طول
..
احلى بوست كتبته ...ضع اللينك , ثم اذكر لماذا؟
مش عارفة ..بحس ان اول بوست هو احلى بوست
زميلنا جمال
..
أفضل بوست قراته؟؟ضع لينكه؟؟
طب ماشى...ان شاء الله
بعد كده هركز واعمل مسابقة وابقى اختار..
...
أفضل مدونة قراتها؟؟
فى مدونة بحب أدخلها
على مكتوب
مدونة صدى الصمت
ربنا يكرمها ويفك أسر أخوها
..
لو حد قل أدبه فى التعليق..ايه ردة فعلك؟؟
مساوية تماما للفعل فى المقدار و مضادة له فى الاتجاه
يعنى..هى مش حصلت ومش هتحصل ان شاء الله
...
أسوأ بوست وأسوأ مدونة؟؟
مش بحب حد يشتم اخوه المسلم أيا كان..
معلشى يعنى يا اخونا
بس أنا مش شايفة ان الشتيمة هتأثر..يبقى ليه نقل قيمتنا؟؟
بصفة عامة..ده اللى ممكن يخلى المدونة من وجهة نظرى
سيئة
...
هيحصل ايه لايميلك لما تموت؟؟
يارب يكون شاهد خير ليه
و ربنا يرحمنا...
....
اديت الباسوورد لمين؟
مش لحد
مع نفسى
بس لو اضطريت اديها لحد عادى
....
كانت ايه طيبعة علاقته بيه؟؟
يووووه...الباسوورد معاى انا
وطبيعة علاقتى انا ونفسى..عز المعرفة
.....
بعد اذنكم
هكمله بعدين..
اروى.. التاج ده طويل جدا..

تعديل: استكمال التاج
................................
اسمك؟
طمووووح
.........................................
المشهور بيه وسط اصحابك؟؟
مش عارفة ليه ماليش نفس اجاوب على السؤال
ده على الملأ كده..
بلاش احراج
بس على ايه حال كل جروب وليه نظامه
يعنى جروب الدفعة
غير جروب اخواتى
غير جروب اصحابى الاصغر منى
......................................
شخصيتك نوعها ايه؟؟
كنت خدت دورة نمية بشرية وعملت فيها تقييم
طلعت شخصيتى
اجتماعية قيادية وهايبر اكتيف
التقييم اللى قال كده
لكن لو هقول..
هقول عصبية وده عيب نفسى اغيره
بحب اروح واجى ..وده عيب من وجهة نظر امى ونفسها تغيره
بحب اجرب كل حاجة بنفسى..
.....................................
السفر بالنسبة ليك ايه؟؟
سبع فوائد
بس اهم حاجة يبقى لهدف كويس
واكون مستمتعة
بكل لحظة..
ويكون معايا صحبة كويسة بنعين بعض طول الطريق
...................................
وقت فراغك بتعمل فيه ايه؟؟
بنوع
يعنى ممكن اقعد على الكمبيوتر وبالذات على المدونة
او على الفوتوشوب
لان النت عندى نوعين
شغل وده الاغلب..وترفيه فى وقت الفراغ
اطمن على اخواتى واصحابى بالتليفون..
اقرا كتاب..بس الكتاب اللى أقراه فى وقت الفراغ ده
يبقى كتاب محصلش
..طبعا كل ده فى البيت ...
...................................
المود بتاعك؟؟
الحمد لله...حالياً..
عندى امتحان يوم الثلاثاء
فتخيلوا بقة انتوا
..............................
الصفات اللى خدتها من بابا؟؟
لو سألتوه هيقول:" ولا حاجة..كان نفسى تاخد اى حاجة"
بابا وعرفاه
.............
الصفات اللى خدتها من ماما؟؟
هتجاوب زى بابا تمام
"ولا خدت حاجة..كان نفسى تتعلم اى حاجة..طب على الاقل تتعين زى فى الجامعة"
ماما وحفظاها

لكن انا مقتنعة ان كل اللى عندنا
من عندهم
بالاضافة لشوية حاجت بسيطة من بره
على شوية تراكمات زمنية
على حبة من الاصحاب
فبيطلع فى النهاية
.
.
احنا..

....................
اكتر ست حاجات بتكرها؟؟
اهمال المسؤولية..
الكسل
الكذب
انى اغلط وماحدش يقولى انى غلطت
انى اجرح حد وماخدش بالى
المادة الظريفة اللى طلعت بيها من رابعة واول مادة اشيلها فى حياتى وطبعا مش دخلتها دور تانى
......................................
اكتر ست حاجات بتحبها؟؟
اى حاجة بعملها علشان ربنا
انى اتعلم حاجة واعلمها
انى انظم وقتى ويبقى مفيد
اخرج مع اصحابى او اخواتى

ليه الحاجات اللى بنحبها بنقعد نفتكر فيها
والحاجات اللى بنكرها بنفتكرها على طول؟؟


...............................
الانترنت بالنسبة ليك؟؟
الرسالة اللى ببقة عايزة اسمعها لكل الناس بوصلها من خلاله
الخبر اللى ببقى عايزة اقراه بقراه عليه
الاصحاب اللى مش شفتهم وحبتهم
وشوية ترفيه وشغل ومدونة

..................
أمرر التاج لكل اللى دخل مدونتى فى اى يوم
أوعلق
ولو انى اعتقد ان البشرية كلها جاوبته
بس مافيش مشكلة ..يمكن حد هنا او هنا مش جاوبه

بارك الله لهما..

عارفين كده
لما فاجاة تقابل شخص
صدفة بس الظروف تجمعكم
وبعدين تحس قد ايه الانسان ده فعلا محترم
..وبجد ..صديق...
وبجد تبقى مش مصدق..


ايوا ده اللى حصل معايا
مع صحبتى اللى فرحها بعد بكرة

قابلتها صدفة.او هى اللى قابلتنى
اتعرفنا فى ظروف اعدادى هندسة ..
ظروف ما يعلم بيها الا ربنا
دخلنا مدنى مع بعض ورغبة اولى كمان
قضيناه بحلوه و مره..
ومش عايزة بجد اقول انه كله كان حلو..

دخلت صناع الحياة..
وانا فضلت برده صحبتها
وهيا فضلت صحبتى
مش فاكرة ان احنا اتشاكلنا شكل البنات التافه ده
بالعكس..وماشاء الله عليها
كانت بجد نعم الصديقة
كبرنا وكبرت شلتنا.
بس عمرها بجد ما قصرت مع اى حد

اتخطبت
اتعقد قرانها
وفرحها بعد بكرة


ومسافرة..
ومش عارفة بقة اذا كان ممكن اشوفها بعد سنة واتنين وكده ولا لاة

تفتكروا الواحد فى موقف زى ده يقول ايه

انا عن نفسى هقول..بارك الله لكما وبارك عليكما وجمع بنكما فى خير

ده علشانك..

يا عروسة


boomp3.com


وده بقة علشانى..وعلشان كل اصحابك..


boomp3.com


وبجد..هتوحشينى..
بس اطمنى طالما فى نت وموبايل
يبقى ميت فل
وكل ما افتح المدونة
هفتكرك بكل خير..

والف مبرووووووووك

جبت أخرى....

فى حاجة غريبة جدا وخنقانى..

بس خلاص أنا جيبت اخرى..

المواصلات هنا فى المنصورة تجاوزت مرحلة الملل والصعوبة

ووصلت معايا مرحلة اليأس

بقيت مش ممكنة

فى كل المناطق ..مش بس عند الجامعة

كان الاول أقوله طلخا يبقى عايز يدوسنى

الدراسات ...بيطنشنى

توريل...لا والله

لكن من البحر لآداب يقول لا؟؟

ومن الجلاء لأحمد ماهر يزعق؟؟

ولو أبعد من كده..يسبك واقف كده ومش يدينى أى ردة فعل

أنا مش عارفة التاكسى لو مش رايح اى حتة..بيبقى رايح فين؟؟

هتقولوا السرافيس..

هقولكم إنها مستبعدة من الاختيارات من أيام رمضان

وحتى بيبقى ماشى فاضى ومش راضى يركب الناس...سرافيس آخر الزمن

المحافظة لازم تشوف حل

..

كده بجد

صعب جدا...

الواحد بيخرج بدرى عن مواعيد خروجه قبل كده

بنص ساعة علشان يلحق يروح أى حتة

ده غير ان المشوار اللى كان بياخد ربع ساعة بقة نص

..

حتى لو كانت قريبة

وعلى أية حال...الحمد لله

احنا بنعرف نمشى

..بس بجد

حسبى الله ونعم الوكيل..

-----------------------------------------

معلشى يا جماعة

بس اذا مش فضفضت فى مدونتى هفضفض فين؟؟...

الاتحاد وايامه

طبعا زى كل سنة ..

الطلبة اتقدمت للترشيح و اتشطبت

وكان رد الفعل المرة دى...

اعتصام يوم الاثنين.....

وسيرة ومحاكمة يوم الثلاثاء..

التغطية رائعة فى مواطن من العريش

بعيدا عن المظاهرة والاعتصام..
فى حاجة جميلة لفتت نظرى المرة دى
كان فى بنت مراسلة لصحيفة انا مش عارفه هيا ايه
المهم كانت بتصور..
وللاسف لان احنا مش عرافين انها مصورة

فكنا بنقول خلاص..الكاميرا بتاعتك اتملت صور..روحى سلميها بقة

كنا فاكرينها مع الامن.

بس فوجئنا بيها ماشية فى المسيرة لغاية الاعتصام..

و كانت مصممة تصور كل اليفط اللى معانا
فلما البنات داوروا وجوهم الناحية التانية

قالت وبكل هدوء..

ماتخافوش انا مش هجيب وشكم فى الصورة.. انا عايزة اليفطة بس

عارفين لما ماتلقوش سبب تصدقوا اللى قدامكم..الا انه واضح جدا
و تحس انه بجد ده شغله اللى هو فاهمه كويس
وانه من كتر ما هو واثق فى كلامه ..تحس انك صدقته
اهو انا بقة حسيت بكده

بجد كان نفسى اقولها..
ربنا معاك..
وربنا يكرمك
و اى واحد شايف شغله صح..
وفاهمه صح...
وبيراقب ربنا فى شغله..

كان..نفسى بجد
أقولها..جزاكم الله كل خير..
واحنا آسفين( ووجه احمر من كتر الكسوف)
كنا فاهمينك غلط..

......فى الهامش..: منتظرين التغطيات من اخوانا المودنين على مدونتهم ..

و ياريت اللى نزل تغطية فى مدونته يسيب بس عنوانه هنا..

جديد

يومـ جديد

توقيع جديد

و

مدونتى فى شكل جديد

بقى ان أجدد

/

/

نفسى

و

أنا

و

طـ ـمــ ـوحــ

دعاء الجد

وجه وضاء كالبدر

يطرق أسماعه آذان الفجر..

فيهب الجـــد
/

\


فى المـــسجد..

يقلب حـبات مسـ ـبحته

تدنو دمـ ـعة من خـ ـديه

يعلو صوت يكسوه شجن

" اللهم اهد اولادى"


\

\

\

مات الجد

/

/

غاب البدر

\

\

تقاسموا الدار والارض

واتى الفجر

حن المسجد للمسبحة

بقى الامل

...

دعاء الجد

ايهما ابدع

نفرح بطفل مبدع

و يعلو صوتنا

وجدناه

وجدناه

فى حين

لا نبالى

بطفل عطوف

\

\

حين نكبر

و

يكبرون

ندرك

نحن الفرق

قليلا من البوح..يفيد

فى بداية العام

رسمت أختى رسمة

سبقت فرحتها خطواتها للمعلمة

تغمرها بسمة..

المعلمة ..بكل هدوء وتأنق

رفعت حاجبيها..وضاقت عينيها

صرخت..مئة مرة اخبرتك

املئى الفراغات فى رسمتك..

وقفت اختى حائرة..تشكو..

رسمت شمسا تبتسم..

رسمت حضارة تشع من هرم..

رسمت مركبا يبحر فى نهرنا

شراعه علم مصرنا

طير فى اعلى الرسمة يرفرف

وسحابا يموج

ماذا بقى كى ارسم؟؟

عاتبتها..

معلمتك معها كل الحق

هات الرسمة وارسمى

ارسمى نقاط سوداء وصفراء

اذا سألتك اخبريها..

حشرات وتراب

ارسمى صحونا فوق البيوت

قولى لها نستورد حتى الاعلام

ارسمى مصفحات الامن واكثرى

وقولى لها..

هنا الجامعة

لاتنسى ان ترسمى

ورقة بين النهر والهرم ..صغيرة

ملقاه باهمال وقولى لها

ابداع طفل

احتقرته المعلمة

رمضان غير

كل سنة وكل المسلمين طيبين

رمضان السنة دى فعلا كان غير

اولا

ماكنش فيه خروج كتير..

الجامعة مرة او اتنين بس فى الاسبوع

طبعا مافيش زيارات

ولا خروجات شوبينج ولا اى صداع من هذا القبيل

ولا حتى

القبيلة..بما ان الموضوع متعلق بشوبينج بناتى

...

الجامعة متالقة فى رمضان..

بس علشان ماكنتش بقابل اصحابى كنت حاسة انها نتغيرة

البيت

اكتشتف فجاءة انه كان وحشنى جدااا..انا اكتشفت فيه اماكن غريبة اصلااااا

الناس

..زى ماهيا ..الزحمة زى ماهيا

السيارات بتزق فى بعضها طول الشهر

والمحلات زحمة مش عارفة ليه سبحان الله

..

وكل الناس يا بتسمع قران فى المحلات يا اما بتقرا

يا بتتكلم فى الدين..روح جميلة جدا..ياريت السنة كلها كانت رمضان

--=-=-=-=-=--

طبعا خلصت فترة بياتى ..ورجعت تانى للكمبيوتر والنت

ورجعت تانى لمدونتى...

كنت عايزة اوجه من موقعى هذا رسالة لكل اللى زاروا المدونة من يوم ماقصيت شريطها

للان

مفادها( والهاء دى عايدة على الرسالة)..انه بجد جزاكم الله خيرا

كل سنة و كلكم طيبين

كل سنة و وانتم طيبين..

التصميم كان حلو بس تقريبا جاله برد مع الدور اللى ماشى اليومين دول

رمضان السنة دى عايزاه مختلف

رمضان من غير دراسة

رمضان من غير خروج كتير

وقررت

يكون كمان رمضان من غير نت

من غير منتديات

من غير تدوين

رمضان وبس

بس ده طبعا مش معناه انى هنعزل عن العالم

لا طبعا

هتابع اخبار فلسطين واخبار المعتقلين واخبار الطلبة

بس مش هوصيكم يا جماعة

الدعااااااااااء

لحوا فى الدعاء

لحوا فى الدعاء

يعنى ابقوا افتكرونى كده

وربنايهل عليكم رمضان بكل خير ويمن وبركة

وبعد العيد ارجع باذن الله

الاول احب بجد اشكر كل اللى شرف مدونتى واللى لحظته ان العدد تجاوز الالف...

بعد رمضان باذن الله هتكلم شوية عن النقطة دى

...بعد رمضان هتكلم شوية على النقطة دى باذن الله

الداخلية بتهزر معانا

من يومين كده اوتلاتة كنت بتفرج على العاشرة مساءا

تقدروا تقولوا برنامجى الاخبارى المفضل

المهم

واذ بى فجاءة

من وسط خضام الاحداث الغريبة..اجد الاستاذة منى تعرض نبا هام

تكريم امين شرطة لانه رجع شنطة بمليون جنيه لصاحبها

والقصة كانت غريييييييييييييييبة غرابة الخبر

مواطن عادى جدا زينا كده...

متقاعد فى الكويت وبيسافر ..برده عادى

احزم امتعته (حلوة دى صح) وجهز حاجته واتوكل على الله

ركب من اسكندرية للقاهرة علشان يسافر( هنا بقة وجه مستغرب وبيهز فى دماغه) !عادى

مسافر من مطار القاهرة رغم انه من الاسكندرية هو مش فى مطار برده فى اسكندرية ولا ايه؟؟

جايز كان عجبه الطريق السريع وقال نفسح الاولاد قبل ما نسافر

مش ده موضوعنا

المهم انه ربط شنطه

وكلفتهم بالحبل فوق السيارة اللى مسافر فيها

ركب وركب السواق

لكن لحظة تفاجئنا المذيعة بحاجة مهمة..المواطن العادى العادى جدا

كان معاه شنطة فيها مجوهرات بمليون جنيه ..الاستاذة منى اللى قالت

المهم مش دى المشكلة يا جماعة

المشكلة انها قالت انه ربطها مع بقية الشنط فوق..(وجه شايط من الغيظ)..ازاى يعنى؟؟

شبطة ايه اللى فيها ذهب ومربطها فوق؟؟

ده احنا لما كنا نسافر وفى شنطة فيها حاجة مهمة مش دهب لا ان شاء الله ورق او شهادات كانت تبقى عنين العيلة كلها عليها

ويبقى فى واحد كده تخصصه الشنطة دى..انا بتكلم فى ورق وشهادات

مش ذهب وياقوت ومرجان ومغارة بمليون جنيه ...

سبحان الله...واضح ان المواطن ده عادى جدا لدرجة انه ربطها فوق..

او جايز هيا حاجة مش مهمة بالنسبة له ..وزيها زى بقية الشنط

هو مش شايف فرق يا جماعة ..ماحدش يفهمه غلط

المهم انه مشى وعلى الطريق القاهرة اسكندرية مش عارفة ليه..

لا لا فتكرت كان بيفسح الاولاد على حسب فهمى

المهم ...شوية

وطاااااااااااااارت الشنطة

شوبة والمواطن العادى احس ان الشنطة مش موجودة

شوية وبص

شوية ولقى الحبل مفكوك

والشنطة مش موجودة...

و

هبببببب

البس يا نجم..

الشنطة مش موجودة..

الراجل قصدى المواطن العادى قال واستنتج ان الشنطة اكيد وقعت فى الطريق

عاد ادراجه ليفتش الطريق

واذ به يلاقى ايه؟؟

امين شرطة...

لا مش بس كده

يلاقى معاه الشنطة

ويقوله بعد لما عرف الحاجات اللى فها ..اللى هيا المجوهرات اللى بمليون جنيه...تعالى نروح القسم

قصده يعنى يمضى محضر استلام وكده

المواطن العادى رجعتله الشنطة

وامين الشرطة مش رضى يتسلم المكافاءة وقال..انا كل اللى عايزه اربى ابنى من حلال

لغاية هنا ونحط فلوستوب كبيرة...ونرجع الشريط شوية على السريع

...

مواطن ايه اللى شايل مجوهرات بمليون جنيه ومقضيها قياسة بيها رايح جاى..اسكندرية الكويت

الكويت اسكندرية..كانه شايل شنطة ادوية

ثانيا اللى مطلعه من اسكندرية للقاهرة ولا جايز سمع ان خلطة اللى مرصوف بيها الطريق السريع مافيش احسن منها

قال لما نجربها؟؟

ثالثا فى بنى ادم طبيعى يربط شنطة بمليون جنيه فوق..

جايز مالهاش مكان جوة..فقل نحطها بره...ولا مش وسط الشنط...فوق الشنط

الكبير كبير برده

رابعا..اللى اعرفه كويس ان حاجة زى دى ماينفعش تخرج بره البلد..

اصل يعنى ايه واحد مخرج مليون جنيه دهب بره البلد؟؟

مش حكاية من اين لك هذا؟؟

بس ليه بتعمل هذا؟؟

خامسا ...مين اللى قال للامين ده ان 10% دى مش حلال..وانه مش حقه الشرعى

حلال..وكان المفروض ياخدها..لانها حقه..

يعنى حسيت ان الطبخة باظت منهم اوى..وكان المفروض القصة تتعمل بحبكة شوية

بس واضح ان الداخلية مابتعرفش تكدب

وجت تكحلها عمتها

جت ترفع من روحنا المعنوية من ناحية الشرطة والداخلية وتعطينا اى بارقة امل تلوح فى الافق

سودتها وطلعت باااااااايخة

ولا ايه رايكم؟؟؟

ليه كده؟؟

امبارح كان يوم غريب خالص

كنت راحة الريف الاوروبى بتاعنا..قصدى يعنى قريتنا الصغيرة ومسقط راس العيلة

كلها ماعدا انا

طبعا كان بقالى زماااااااااان مش رحتها...

بس المهم ان السيارة تبعنا فى فترة نقاهة واستعادة رشاقة ...

بيتعملها عمرة ( بفتح العين والراء) عقبال سيارتكم يارب

وبالتالى هروح مواصلات ...

اخويا توشح وشاح الرجولة وقالى هجى معاكى

قلتله مافيش داعى لو مشغول...قالى لا انا اصلا كنت عايز

عملت نفسى مش خدت بالى من الجملة الاخيرة دى

الطريق ممكن ياخد من 20 دقيقة 40 وده راجع لجنون السواق

اول ماركبنا الميكروباص واحنا لسة على ارض المنصورة

هببببب

دبت خناقة

طبعا الطرف الاول كان سائق الميكروباص

والطرف التانى كان الظريف اللى ورايا..

والى الان لم افهم هو اتخانق ليه

بس اللى فهمته ان الموضوع كبير..وسمعت بقة الفاظ غريبة ..السواق يقولها والراجل بيقولها للسواق..

بس هيا طبعا بتعدى على ودانى الاول ..

بمعنى اوضح كانت بتخرم طبلة اذنى الاول وتعدى من الثقب ده للسواق ومن ثم توزع بالتساوى على باقى الركاب

المهم انه فجاءة لقيت الراجل ايديه بتتمدد ...تتمدد...لغاية لما وصلت للنظارة لقدام عنيا خلاص

شفت كفة ايديه من هنا ..وكنت هصوت من هنا

بس اخويا قعد يعمل فيها عاقل افندى ..وخلاص بقة يا استاذ ..اطلع بقة يا سيدى

يا عم الحاج حقك علينا...وحاجات من اللى بتتقال فى المناسبات دى

برده لسة بيتخانقوا.

.

اخر ما زهقوا من بعض...قالوا الكلمة اللى بتتقال فى المناسبات دى برده

لو راجل انزلى.

.

انا فطست على نفسى من الضحك الصراحة...

يعنى افرض سعتك انه منزلش خلاص يعنى بقة عيل ولا ايه مش فاهمة؟؟

اسلوب حوارى مقيت...

بدا بالصراخ وانتهى بان السواق لقيته فتح الزجاج اللى بيشقر علية انا والظريف اللى ورايا

ومادد ايديه بيشد فى الظريف اللى ورايا

طبعا اخويا قاله ايه ياعم ...ماخلاص بقة

ما تهدوا كده ياجماعة

الناس اتلمت وبقيت فرجة..

واللى ورايا برده مش راضى يسكت..

كنت عايزة التفتله اقوله خنقتنا والله

ما تسكت بقة شوية ..وددننننننننننننننننننى وجعتنى من صداعك

بس خلاص خلصوا شخيط ..وسكتوا وطلع السواق

وكل السيارة تنفست الصعداء..وخاصة ودااااااااانى المسكينة

سبحان الله

هو ليه احنا بنعمل كده فى بعض؟؟

ليه بنتعمد نبهدل بعض

ليه ده يبقى الطبيعى بتاعنا

نذل بعض

ونجرح بعض

ليه مش بنقدر ظروف بعض

ليه مش بنتناقش فى هدوء..

ليه لما يكون فيه مشكلة او اقتراح لازم نفرضه بالصوت والضرب والشتيمة

هو احترام الناس لبعضها راح فين؟؟؟

ده احنا بنى ادمين مع بعض!!

كنا بتناقش فى منتدى عيون الطلبة عن التعذيب فى مصر

احنا قبل ما نكون عرضة للتعذيب فى اقسام الشرطة او فى الشارع حتى فى البيت

احنا بنعذب بعض..

فعلا والله احنا اللى بنجيب الاهانة لنفسنا..

ونخلى نفوسنا هينة على اى حد

خلو كرامتنا من كرامة بعض ...

علشان لا انا ولا انت ولا اى حد يتهان فى يوم من الايام