صبراً ستمضى المحن: 01/08/2007

Thursday, August 30, 2007

ليه كده؟؟

امبارح كان يوم غريب خالص

كنت راحة الريف الاوروبى بتاعنا..قصدى يعنى قريتنا الصغيرة ومسقط راس العيلة

كلها ماعدا انا

طبعا كان بقالى زماااااااااان مش رحتها...

بس المهم ان السيارة تبعنا فى فترة نقاهة واستعادة رشاقة ...

بيتعملها عمرة ( بفتح العين والراء) عقبال سيارتكم يارب

وبالتالى هروح مواصلات ...

اخويا توشح وشاح الرجولة وقالى هجى معاكى

قلتله مافيش داعى لو مشغول...قالى لا انا اصلا كنت عايز

عملت نفسى مش خدت بالى من الجملة الاخيرة دى

الطريق ممكن ياخد من 20 دقيقة 40 وده راجع لجنون السواق

اول ماركبنا الميكروباص واحنا لسة على ارض المنصورة

هببببب

دبت خناقة

طبعا الطرف الاول كان سائق الميكروباص

والطرف التانى كان الظريف اللى ورايا..

والى الان لم افهم هو اتخانق ليه

بس اللى فهمته ان الموضوع كبير..وسمعت بقة الفاظ غريبة ..السواق يقولها والراجل بيقولها للسواق..

بس هيا طبعا بتعدى على ودانى الاول ..

بمعنى اوضح كانت بتخرم طبلة اذنى الاول وتعدى من الثقب ده للسواق ومن ثم توزع بالتساوى على باقى الركاب

المهم انه فجاءة لقيت الراجل ايديه بتتمدد ...تتمدد...لغاية لما وصلت للنظارة لقدام عنيا خلاص

شفت كفة ايديه من هنا ..وكنت هصوت من هنا

بس اخويا قعد يعمل فيها عاقل افندى ..وخلاص بقة يا استاذ ..اطلع بقة يا سيدى

يا عم الحاج حقك علينا...وحاجات من اللى بتتقال فى المناسبات دى

برده لسة بيتخانقوا.

اخر ما زهقوا من بعض...قالوا الكلمة اللى بتتقال فى المناسبات دى برده

لو راجل انزلى.

انا فطست على نفسى من الضحك الصراحة...

يعنى افرض سعتك انه منزلش خلاص يعنى بقة عيل ولا ايه مش فاهمة؟؟

اسلوب حوارى مقيت...

بدا بالصراخ وانتهى بان السواق لقيته فتح الزجاج اللى بيشقر علية انا والظريف اللى ورايا

ومادد ايديه بيشد فى الظريف اللى ورايا

طبعا اخويا قاله ايه ياعم ...ماخلاص بقة

ما تهدوا كده ياجماعة

الناس اتلمت وبقيت فرجة..

واللى ورايا برده مش راضى يسكت..

كنت عايزة التفتله اقوله خنقتنا والله

ما تسكت بقة شوية ..وددننننننننننننننننننى وجعتنى من صداعك

بس خلاص خلصوا شخيط ..وسكتوا وطلع السواق

وكل السيارة تنفست الصعداء..وخاصة ودااااااااانى المسكينة

سبحان الله

هو ليه احنا بنعمل كده فى بعض؟؟

ليه بنتعمد نبهدل بعض

ليه ده يبقى الطبيعى بتاعنا

نذل بعض

ونجرح بعض

ليه مش بنقدر ظروف بعض

ليه مش بنتناقش فى هدوء..

ليه لما يكون فيه مشكلة او اقتراح لازم نفرضه بالصوت والضرب والشتيمة

هو احترام الناس لبعضها راح فين؟؟؟

ده احنا بنى ادمين مع بعض!!

كنا بتناقش فى منتدى عيون الطلبة عن التعذيب فى مصر

احنا قبل ما نكون عرضة للتعذيب فى اقسام الشرطة او فى الشارع حتى فى البيت

احنا بنعذب بعض..

فعلا والله احنا اللى بنجيب الاهانة لنفسنا..

ونخلى نفوسنا هينة على اى حد

خلو كرامتنا من كرامة بعض ...

علشان لا انا ولا انت ولا اى حد يتهان فى يوم من الايام

Saturday, August 25, 2007

افتقدها..صالة المطار

..ساكتب عن اناس اشتاق لهم...

ومواقف افتقدها

ساكتب كى لا اصاب بنوبة صمت..تقتلع ما بقى من طموحى..

ساكتب لانى اعتبر الصمت اول طريق الهزيمة..

فانا لا اتحمل ان ارفع راية بيضاء يوما

..
صالة المطار

بقدر ماهي واسعة..ممتدة...

بقدر ما يضيق فيها افقك

بين مقبل على غربة

او مقبل على وطن لا تعرف منه غير اسمه..او هكذا كان

صالة المطار..

شاهدت فيها دموع زوجة ترملت فى الغربة..

تعود وحدها لاولادها بلا ابوهم

تكفف عبراتها

و كل من فى المطار يتلقاها بكل اسى..

هامسا ..وبشفقة..انا لله واليه راجعون

شاب يودع اهله..

امه تبكى .

.اباه يوصيه فى اذنه..الله..ثم دراستك..لتعود لنا سالما

اخته تتعلق به..متى سيعود؟؟

يلتفت الاب للعائلة وكانه يعلن خبرا جديدا

سيدرس ترم ويعود فى الاجازة..باذن الله ..

هو ترم واحد فقط يا ام محمد ..

تحنو عليه..حبيبى خد بالك من نفسكد

موعها..تحبسها

ومصيره بدون ابويه باهتا امامه

هل حقا انتظر ذلك اليوم من زمن

لا يعنى دراسته الجامعية بل يوما بلا وصاية ..

يوما بلا ارشاد من الكباريمضى..

شاردا..

ويمضون هم يبكون

اب عائد من غربته..

الكل يتسابق ليحمل الحقائب عنه

حضنه امتد ليكفى كل اولاده

وكانهم بين ذراعيه صغار

اصغر بعمر غربته..

بعمر شقاه

بعمر شوقهم..

عائلة باكملها..

تتنفس الصعداءعدنا لبلادنا ...

هل كان صوابا عودتنا..

هل حقا الغربة مرة..وبلدنا هيا ام الدنيا

ام انها...

مصر التى تركناها

تغمرهم فرحة

شرود

رايت رجل

تنظر اليه لا تجده الا ساخطا

طوال الرحلة..يتشاجر مع ذلك

يشتكى من دلك

تنظر اليه مشفقا..

بينما لاتجد كلمة تقولهاغير

فضحتنا

صوته يجلجل فى الطائرة

ثم المطارثم

ثم

هو ينحنى ..

يقبل بكل شوق وحنان

أيدى امه

وحشتينى يا امى

يحبس دمعه..

لتقف انت واجما

اهو هو؟؟...سبحان الله

رايت اطفال

يصرخون..نينا و جدوا..

نرجع لجدو

لحظات و..يسكتون...يلعبون..

يجرون فى الصالة

لينظر اليهم الكل بحسرة..

ياليتنى مثلكم

لا يعتصر قلبى الم الفراق

لا يشغل بالى هم الغربة وقسوتها

يتسابقون ككل عام

من اول من يصعد للطائرة ؟؟

صالات المطار..

مغادرة واستقبال

تجلس فيها لساعات

لترى عالم اخر

فى اقل من نصف يوم تعيش بذهنك كل المتناقضات

افتقدها..

بقدر افتقادى للغربة

Wednesday, August 22, 2007

سبحان الله اول الاسبوع اللى فات كنت مضايقة جدا

واخر الاسبوع اللى فات برده كنت فرحانة جدا

سبحان الله

ايييييييييييييييييييه دنيا

فرحانة لانه اخيرا شفت عائلتى( اللى هما يعنى اخوالى وكده) بقالى مدة كبيرة مش شفتهم...
ده فيهم ناس مش شفتها من سنين...الحجة طبعا معروفة....الدراسة
بس دلوقتى خلاص
مافيش حجة
بس شكلهم كن حلو ماشاء الله وهم كلهم موجودين
قد ايه اللمة بتبقى حلوة..
بس ياريت تتكرر تانى.لان ده مش بيحصل ولا حتى فى الاعياد
بالنسبة ليه يعنى
..

طبعا مش هقول كنت مضايقة من ايه
علشان من الواضح انى لا انتم ناقصين ولا المدونة نفسها ناقصة

بس انا بقة دلوقتى كمان مبسوطة علشان الكهرباء رجعت لغزة وحتى لو كان مشروووط
بس برده انا فرحنالهم ..
احسن الكهرباء لما بتقطع عندنا ..
بيبقى ناقص نجيب جمل ورمل ونقعد ونبقى ساعتها كاننا بالظبط فى صحراء

الحاجة الوحيدة اللى بتبقى شغالة فى البيت هيا والبوتاجاز

لا ماية ولا تليفون وكفاية المرواح والكمبيوتر

بجد كل ما اتخيل انهم فى غزة ممكن تنقطع عنهم الكهرباء

بدعيلهم
ربنا يفرج عنهم يااااارب..

Monday, August 13, 2007

نجحت..وفرحتنا

انا فرحانة جد

وجيبالكم معايا مفاجاة حلوة

بس الاول كله يغمض عنيه

لا

فتحوا

علشان تشوفو الخبر ده

حبيبة قلبى

اختى

مريم بنت المهندس /سعيد سعد..المحال للمحاكمة العسكرية

نجحت

وفرحتنا

وشرفتنا

الله يبارك فيكى يا مريم يارب

انتى وكل ابناء المعتقلين..اللى نجحوا وفرحونا

واقولهم

نجاحكم..شوكة فى حلوق الظالمين

طبعا الفرحة..والاجازة والفوتوشوب

شجعونى اعملها هدية كده صغنونة

ابيض

وخلفية كمان

http://farm2.static.flickr.com/1091/1079025768_6022de6e87.jpg

\*\*\*\*\*********/*/*/*/

وفوشتك كمااان

http://farm2.static.flickr.com/1071/1089343193_1669a6a7fa.jpg

وخلفية بس روعة

http://farm2.static.flickr.com/1343/1104609990_fc44300573_o.jpg

/*/*/*/*/*****\*\*\*\*\*\

واسمر شياكة برده

http://farm2.static.flickr.com/1390/1078141649_6ea11cc106.jpg

وخلفية منها برده..

http://farm2.static.flickr.com/1436/1089306915_85e632fe57_o.jpg.

وده بقة علشان مدونتك

ده ابيض..بس برده عندنا الوان

علشان تعرفى..انى بهتان قلقان لكن ملون مطمن

الف مبروك يا مريم....ربنا يباك فيكى ويقر عين والديك بنجاحك,,ويفرج كربكم قريب باذن الله

Wednesday, August 01, 2007

من اجل المحاصرين فى رفح

نداء لكل مسؤؤول

وكل واحد يقدر يقول لاى مسؤول افتح المعبر

................................زز................................................

جزى الله خيرا صاحب مدونة فوضى منظمة على الصورة والعنوان

...........................................................................................................................................................