الحرية

إخلاء سبيل المدون المصري عبد المنعم محمود
وجميع المعتقلين علي ذمة قضية معهد التعاون
بقرار من النائب العام المصري

أصدرت نيابة أمن الدولة العليا اليوم الأربعاء قرارًا بالإفراج عن طلاب معهد التعاون الزراعي وأربعة من قيادات الإخوان كان تمَّ اعتقالهم في نفس القضية، وهم الدكتور محمد عبد العال الأستاذ المساعد لجراحة التجميل بكلية طب عين شمس والدكتور سالم رمضان صيدلي، والمهندس نادر توفيق استشاري أعمال هندسية، والمدون عبد المنعم محمود.
وجاء قرار النيابة بدون عرض المجموعة عليها، وفي غير موعد العرض؛ حيث كان مقررًا عرضهم على النيابة الأسبوع المقبل.
وكانت نيابة أمن الدولة العُليا قد وجَّهت للطلاب تهمة تنظيم عرضٍ عسكري، والانضمام لجماعةٍ محظورة، ووجَّهت للأستاذ الجامعي والآخرين تهمةَ تمويل وتنظيم العرض العسكري

اللى فى الصورة ده وبيضحك المدون عبد المنعم (رويتر الإخوان) صاحب مدونة أنا إخوان..

ana-ikhwan.blogspot.com/

فرحانة إن عبد المنعم هيرجع تانى لمدونته

الطلبة راجعة لمذاكرتها وامتحاناتها

والأساتذة راجعة لطلابتها وجامعتها

كله راجع لثغره..كله راجع يستلم مكانه فى الحراسة

راجع وجواه ميت حلم هيحققه باذن الله

انا لسة بنفس الثقة اللى بدأت بيها مدونتى..

بنفس اليقين ..حاسة ان عزة الاسلام راجعة

من بين كل الآلام والأخبار اللى بصبح وأمسى نفسيها حاسة إن فى نور

جايز خافت..جايز أن بس اللى شايفاه بس على الأقل حاسة بيه جواية

يارب..نورك ..انت وعدتنا ان مافيش حد هيطفيه

يارب انا على وعدك..نورك يارب

وريهم يارب أنك قادر

إنك رحيم بالصابرين

إنك وعدت المتقين الصابرين لا يضرهم كيد الكائدين

......بجد خبر اسعدنى وحسيت إنى رغم ضيق تنفسى ونبضات قلبى المتسارعة إن ممكن اتنفس براحتى شوية

ممكن أهدا

و أن ربنا حنان منان

بحبك يارب

قررت المحكمة الإدارية بمجلس الدولة اليوم تأجيل نظر طلب هيئة الدفاع عن الإخوان المحالين للمحكمة العسكرية رد هيئة المحكمة التي نظرت طعن هيئة قضايا الدولة علي قرار وقف الإحالة للمحاكمة العسكرية إلي جلسة 16 – 6 القادم .حيث شعرت هيئة المحكمة برئاسة المستشار محمد الحسيني بالحرج لكونها هي التي أصدرت قرار وقف الإحالة إلي القضاء العسكري ، وذلك حتي لا تبدو أن هناك خصومة في الدعوي .حيث اثرت التأجيل ليتم نظر القضية أمام دائرة أخري .. وهذا التصرف الحكيم هو ما كنا نرجوه من هيئة المحكمة التي قضت بقبول طعن هيئة قضايا الدولة لعلمها بطلب الرد قبل انعقاد الجلسة .

كان الخبرده من مدونة إنسى

http://ensaa.blogspot.com/

سيادة المستشار

لو أملك ان أرسل لك أكثر مما هو دعوة بقلب صاف لأرسلت

ليس لأنك قمت بذلك مجاملة أو شفقة

ولكن لأنك حققت العدل فى زمن غابت فيه كلمة العدالة من قواميسهم

لو تدرك كم تثلج صدورنا قراراتكم الصائبة

كم تجعلنا نشعر أن الحق سائدا يوما

و ان لا صوت يعلو عليه

لو تعلم سيدى القاضى

كم كانت قراراتكم منذ البداية والله كيد تهدهد من نفوسنا المفزوعة

تمسح على رؤسنا بحنان ..لتقول لا تراعوا لا ترعوا

سيدى القاضى..

لربما فرحتى لا تبرر

ليس لى اب معتقل

ولكنهم كلهم أبى

فرحتى نبعت من ثقة

واثقة أنه مازال فى بلدنا قضاة

قضاة بحق الله ..لا يخشون إلا الله..

سيدى القاضى

لتهنأ يوم الحساب بظل الرحمن

يوم لا ظل إلا ظله..

إهنا بانك عدلت فى زمن الفساد

إهنا بضميرك..إهنأ براحة بالك

أدامها الله لك

..

سيدى القاضى

لله خلص دعائى ..

بان يرزقك إيمانا لا يتزعزع

وقلبا بالحق ينبض

ونفسا لله تجزع ولغيره لا تركع

..كرمك الله سيدى القاضى

بقية المهزلة..

تنظر محكمة القضاء الإداري بمجلس الدولة غدًا الثلاثاء 29/5/2007م، الطعن المُقدَّم من هيئة الدفاع عن 40 من الإخوان المسلمين المحالين إلى القضاء العسكري، والذي طالبوا فيه بإلغاء ندب عددٍ من مستشاري المحكمة الإدارية العليا للنظر في طعن الحكومة على قرار محكمة القضاء الإداري بإلغاء قرار رئيس الجمهورية بإحالة الإخوان إلى المحكمة العسكرية.وأكدت هيئة الدفاع أن سبب طعنهم على الدائرة التي خصصتها الإدارية العليا هو أن أعضاء الدائرة منتدبون في رئاسة الجمهورية وعدد من الوزارات، وهو ما يتنافى مع استقلال القضاء.
..الخبر ممكن يكون عادى
محاكمة عسكرية ..حكم قضائى ببطلانها..طعن من الحكومة..طعن على الطعن من الإخوان
ممكن يكون فى أمل أن القضاء ينصفهم تانى؟؟ممكن أى حاجة تحصل توقف المهزلة دى..
ممكن مثلا نصحى نلاقى الناس دى رجعت بيوتها تانى؟؟
ممكن كل بنت باباها مش موجود وخادوه باليل قبل الفجر ..تقوم مثلا بعد يوم اتنين شهر حتى.. تلاقى بباها بيتوضى ونازل يصلى الفجر.؟؟
ممكن بدل ماهم بيشفوه طول الاربع شهور من وراء قضبان دوبل يقعد معاهم اسبوع ..بلاش تلات ايام بس..
يخرجوهم وينفذوا اى اقرار افراج من الاربعة قرارات اللى القضاء حكم بيها.
.يخرجوهم شوية وبعدين يرجعوا يتهموهم تانى زى كل مرة؟؟
نفسى يارب كل المعتقلين يخرجوا..
عارف ياربى نفسى فى ايه كمان
؟؟
بلاش خمس سنين يارب..بلاش تلاتة.
يارب انا عارفة ان المحن حب ليك لعبادك
عارفة انك بتشترى من المؤمن نفسه وماله علشان الجنة
عارفة يارب ان الاسلام هيبدا غريب ويرجع غريب وان الأمانة مش سهلة
عارفة يارب..بس بجد علشان انت الرحيم اللى كل ما تضيق بينا نجرى عليك ندعيك
علشان برده انت الحى القيوم..
علشان انت الحنان المنان
علشان بجد أنا بحبك وعارفة انى لما برفع ايدى ادعيك فعلا بلاقيك جنبى
علشان خاطرى يارب..خلى الناس دى تخرج
علشان يرجعوا بيوتهم
علشان يترد كيد الماكرين
نفسى زى ما شفت دموع ولادهم اشوف ضحكتهم
نفسى زى ماشفت ولادهم حطين ايديهم على السلك نفسهم يمسكوا ايدين اباءهم من ورا سلك دوبل .
.يمسكوا ايدينهم وهم خارجين
علشان الامهات اللى ولادها محبوسين ظلم وقلبهم مفطور عليهم من كتر البكا يفرحوا بقة شوية..
يارب أنا عارفة انى مش أحسن من أى واحد منهم..ولا أنا أحسن من كل اللى بيدعولهم
بس يارب انت قلت (أمن يجيب المضطر إذا دعاه) أنا يارب مضطرة
يارب أنا مضطرة ومحتاجة اجابتك
مضطرة يارب..
.......
مضطرة يارب اكشف ما بهم من ضر
يارب
يارب
..حتى لو كان كلامى مش واضح منه حاجة بس انا حاسة انك فاهمنى و حاسس بيه
ابقى فى إنتظار حكم المحكمة..أبقى فى إنتظار انتصاف الحق..أبقى أنتظر أن تعلو ثقتى فى قضاءنا..

أبقى يارب وكلى ثقة فى رحمتك وعدلك

أقولها لنفسى دايما ..صبرا ستمضى المحن عندما تأخذ مشكلة صغيرة أكثر من حجمها

وأشعر بها تمدد على حساب أنفاسى وتحتل من ضحكتى نصيبا ليس بقليل

تكتم على أنفاسى..وتكتم و لا يبدو مع تمدهها أى مساحة لراحتى

اشعر بها تنتقل من ذاكرتى لمحور التفكير ثم لنطاق الحفظ..مشكلة صغيرة وبالرغم من ذلك تدور فى كل مكان فى دماغى وعندما تمل من كل ذلك تلجأ لذاكرتى لتبقى هناك

تحرق ما تبقى من أعصابى وتبقى هى تملك كل المفاتيح

تديرنى برحاها

مشكلتى...

أشعر بانفاسها تصارع أنفاسى

أسمع صدى ضحكاتها الساخرة فى رأسى

اهدهد نفسى بانها يوما ما راحلة

نعم سترحلين وتتركينى..

أهنأ بانفاسى

مشكلتى

ارحلى..فحقيقة لا أطيقك

أتدرين ..احتليت مساحة من البلوج ..أكبر منك

جمال زميلنا

صورة الخبر من موقع أخوان اون لاين

جمال رجع يا ولاد
كان امتحان الأساسات
( هوكس بوكس على راى صحبيتى اللى بعد ماتشوف الخبر ده هتقول ولا أعرفك) !!

المهم بعد الامتحان اتجمع انا واصحابى ..طبعا مش بنراجع علشان ماحدش يفهمنى غلط

بس كنا بنتفقد بعض بعد الامتحان علشان الضغط والسكر والجيوب الأنفية

وجميع الامراض المزمنة المستعصية اللى بنعانى منها وبعد . تفقد أحوالنا..فجاة صرخت واحدة

آآآآآه شوفتوااللى حصل واحنا قاعدين عادى

علشان نحل وبنكت اسماءنا فى كشف الحضور

فجاة يقطع صمت الاسبهلال من الامتحان صوت المراقب بيقول لطالب معانا فى اللجنة(جمال..انت مفصول يابنى)ا!

طبعا جمال ده كلنا عارفينه ومن غير فتاكة يعنى أكيد مش مفصول علشان قل أدبه مع دكتور أو تجاوز نسبة الغياب

أو أى حاجة من اللى المفروض البنى آدمين يتفصلوا علشانها

الباشمهندس جمال كان واخد قرار فصل بعد مظاهرات نظمها الإخوان كانت عندنا فى جامعتنا المصونة علشان حفريات الأقصى

كان فى طلبة متحولة للتحقيق..وجمال كان واخد فصل

نرجع تانى لللجنة

المهم طبعا المهندس جمال قال انا رافع قضية ولسة مصدرش فيها حكم..

دخل دكتور مبجل وتكن له الدفعة مشاعر فياضة جدا نظرا لنتيجته الروعة

وقال: لما تحل قضيتك ابقى تعال ..

شدو الورقة من جمال..وجمال خرج بره اللجنة..واصحابى رجعوا يكملوا الامتحان..

سكتت صحبتى اللى كانت بتحكى

وقلنا..حسبى الله ونعم الوكيل..

المفآجاة كانت يوم الامتحان اللى بعده...

كل الطلبة خرجت من الامتحان مبسوطة كان جميل

بس مش دى المفآجاة الوحيدة

كان فى مفآجاة كمان..طبعا غير ان احنا خرجنا بدرى..

جمال كان رجع...المهندس جمال اللى امتحن المادة

وهيكمل الامتحانات معانا

نفس صحبتى اللى كانت قالت آآآآآآآآآه ..(فاكرنها طبعا) قالت برده المرة دى آآآآآآآآآآه

"مش جمال رجع"..

رديت فى ذهوووووووووووول:0

بجد الحمد لله..يعنى المهندس جمال هيكمل معانا الامتحان الحمد لله..

رجع يا ولاد ..جمال رجع ياناس..يا ماما يابابا جمال رجع...الحمد لله

بجد يارب أحمدك..ماكنش فى ايدينا حاجة غير الدعاء..وانت استجبت ..الحمد لله

.....................فى الهامش.:تحية لكل طلبة الإخوان اللى بيتفصلوا أو بيتحقق معاهم أو اللى على وشك..

إلى مدونتى الحبيبة

مدونتى..صبراً

صبراً إسمك..وصبراً أرجو منك

..نعم حبيبتى لانك ستكونى رفيقتى..

آمل أن أسجل فيك كل لحظاتى.وملاحظاتى

مدونتى...آمل أيضا أن تتحملى سيل الكآبة الذى سيهل عليكى منذ أول رزعة للكيبورد إليك..

ربما سأكون معك غير الكل..

سأكون..طموح ...

طموح وحسب..


مدونتى..كونى خيرا شاهد لى ..بإذن الله