جاى على بالى اقعد ارغى معاكى ونضحك زى زمان ..ونقعد نضحك لغاية لما عنينا
تدمع ..ونخلص ونضحك تانى ..وبعدين نبص لبعض نكسف ان احنا ضحكنا كل الضحك
نقوم نسكت ونضحك تانى من كتر الكسوف ...
::
جاى على بالى أخرج معاكى ونقعد نلف على اى حاجة انتى عايزاها وانا مش عايزاها ..و لا انتى تشترى حاجة ولا انا اشترى ..ونقعد نتريق على اللى معروض وفى الفاترينات .. ونروح وكاننا اشترينا كل اللى فى المحلات من غير ولا مليم وننسى البند ده اصلا وماننزلش ندور عليه تانى
::
جاى على بالى اقابلك على الظهر بعدين نطلع على المظاهرة نلف لغاية لما نتحرق من الشمس ونعطش بس مانرضاش نشرب و ونروح نحضر اللقاء واحنا هلكانين و مش عاملين اى حاجة فى حياتنا بس عطشانين جدا جدا
وانا اشرب من كوباية لوحدى علشان بقرف ..وكلكم تشربوا من كوباية ..او مشربش خالص .. عشان بقرف برده
::
جاى على بالى اقعد جنبك ساكتة وانتى كمان ساكتة نبص لنملة ماشية فى الارض وجرا وراها طابور نمل ونفضل نبص عليه ربع ساعة نص ساعة ساعة لغاية لما نزهق و نحس ان النمل دخل جوة هدومنا نقوم قايمين ومنعملش كده تانى لانه اكيد قرصنا
::
جاى على بالى اكون مضايقة وانتى كمان مضايقة بس اول مانشوف بعض نفتح ضبنا على الاخر كل الناس تتلم علينا علشان هم كمان مضايقين ومش لاقيين اللى يفرفشهم نقعد نكلمهم ونفرج عنهم وبعدين نمشيهم واحنا اللاتنين فى نفس الوقت نبص لبعض نقول : مالك؟؟
::
جاى على بالى اقف انا وانتى فى مكان ويبقى نفسنا ناخد صور ..بس مانخدهاش لان احنا اكبر من كده ومن جوانا عارفين ان الدنيا مهما بعدتنا الصورة مش هى اللى هتفكرنا ببعض ..نمشى واحنا ايدينا فى بعض كاننا لسة بنتصور مع بعض
::
جاى على بالى افتكر كل الضحك واللعب والوقت الحلو والوقت اللى مش حلو بس قضيناه مع بعض ..
::
جاى على بالى أسألكم يا اندال انتوا فييييييييييييييييييييييين؟؟
::
جاى على بالى أخرج معاكى ونقعد نلف على اى حاجة انتى عايزاها وانا مش عايزاها ..و لا انتى تشترى حاجة ولا انا اشترى ..ونقعد نتريق على اللى معروض وفى الفاترينات .. ونروح وكاننا اشترينا كل اللى فى المحلات من غير ولا مليم وننسى البند ده اصلا وماننزلش ندور عليه تانى
::
جاى على بالى اقابلك على الظهر بعدين نطلع على المظاهرة نلف لغاية لما نتحرق من الشمس ونعطش بس مانرضاش نشرب و ونروح نحضر اللقاء واحنا هلكانين و مش عاملين اى حاجة فى حياتنا بس عطشانين جدا جدا
وانا اشرب من كوباية لوحدى علشان بقرف ..وكلكم تشربوا من كوباية ..او مشربش خالص .. عشان بقرف برده
::
جاى على بالى اقعد جنبك ساكتة وانتى كمان ساكتة نبص لنملة ماشية فى الارض وجرا وراها طابور نمل ونفضل نبص عليه ربع ساعة نص ساعة ساعة لغاية لما نزهق و نحس ان النمل دخل جوة هدومنا نقوم قايمين ومنعملش كده تانى لانه اكيد قرصنا
::
جاى على بالى اكون مضايقة وانتى كمان مضايقة بس اول مانشوف بعض نفتح ضبنا على الاخر كل الناس تتلم علينا علشان هم كمان مضايقين ومش لاقيين اللى يفرفشهم نقعد نكلمهم ونفرج عنهم وبعدين نمشيهم واحنا اللاتنين فى نفس الوقت نبص لبعض نقول : مالك؟؟
::
جاى على بالى اقف انا وانتى فى مكان ويبقى نفسنا ناخد صور ..بس مانخدهاش لان احنا اكبر من كده ومن جوانا عارفين ان الدنيا مهما بعدتنا الصورة مش هى اللى هتفكرنا ببعض ..نمشى واحنا ايدينا فى بعض كاننا لسة بنتصور مع بعض
::
جاى على بالى افتكر كل الضحك واللعب والوقت الحلو والوقت اللى مش حلو بس قضيناه مع بعض ..
::
جاى على بالى أسألكم يا اندال انتوا فييييييييييييييييييييييين؟؟
No comments:
Post a Comment