من يومين كده اوتلاتة كنت بتفرج على العاشرة مساءا
تقدروا تقولوا برنامجى الاخبارى المفضل
المهم
واذ بى فجاءة
من وسط خضام الاحداث الغريبة..اجد الاستاذة منى تعرض نبا هام
تكريم امين شرطة لانه رجع شنطة بمليون جنيه لصاحبها
والقصة كانت غريييييييييييييييبة غرابة الخبر
مواطن عادى جدا زينا كده...
متقاعد فى الكويت وبيسافر ..برده عادى
احزم امتعته (حلوة دى صح) وجهز حاجته واتوكل على الله
ركب من اسكندرية للقاهرة علشان يسافر( هنا بقة وجه مستغرب وبيهز فى دماغه) !عادى
مسافر من مطار القاهرة رغم انه من الاسكندرية هو مش فى مطار برده فى اسكندرية ولا ايه؟؟
جايز كان عجبه الطريق السريع وقال نفسح الاولاد قبل ما نسافر
مش ده موضوعنا
المهم انه ربط شنطه
وكلفتهم بالحبل فوق السيارة اللى مسافر فيها
ركب وركب السواق
لكن لحظة تفاجئنا المذيعة بحاجة مهمة..المواطن العادى العادى جدا
كان معاه شنطة فيها مجوهرات بمليون جنيه ..الاستاذة منى اللى قالت
المهم مش دى المشكلة يا جماعة
المشكلة انها قالت انه ربطها مع بقية الشنط فوق..(وجه شايط من الغيظ)..ازاى يعنى؟؟
شبطة ايه اللى فيها ذهب ومربطها فوق؟؟
ده احنا لما كنا نسافر وفى شنطة فيها حاجة مهمة مش دهب لا ان شاء الله ورق او شهادات كانت تبقى عنين العيلة كلها عليها
ويبقى فى واحد كده تخصصه الشنطة دى..انا بتكلم فى ورق وشهادات
مش ذهب وياقوت ومرجان ومغارة بمليون جنيه ...
سبحان الله...واضح ان المواطن ده عادى جدا لدرجة انه ربطها فوق..
او جايز هيا حاجة مش مهمة بالنسبة له ..وزيها زى بقية الشنط
هو مش شايف فرق يا جماعة ..ماحدش يفهمه غلط
المهم انه مشى وعلى الطريق القاهرة اسكندرية مش عارفة ليه..
لا لا فتكرت كان بيفسح الاولاد على حسب فهمى
المهم ...شوية
وطاااااااااااااارت الشنطة
شوبة والمواطن العادى احس ان الشنطة مش موجودة
شوية وبص
شوية ولقى الحبل مفكوك
والشنطة مش موجودة...
و
هبببببب
البس يا نجم..
الشنطة مش موجودة..
الراجل قصدى المواطن العادى قال واستنتج ان الشنطة اكيد وقعت فى الطريق
عاد ادراجه ليفتش الطريق
واذ به يلاقى ايه؟؟
امين شرطة...
لا مش بس كده
يلاقى معاه الشنطة
ويقوله بعد لما عرف الحاجات اللى فها ..اللى هيا المجوهرات اللى بمليون جنيه...تعالى نروح القسم
قصده يعنى يمضى محضر استلام وكده
المواطن العادى رجعتله الشنطة
وامين الشرطة مش رضى يتسلم المكافاءة وقال..انا كل اللى عايزه اربى ابنى من حلال
لغاية هنا ونحط فلوستوب كبيرة...ونرجع الشريط شوية على السريع
...
مواطن ايه اللى شايل مجوهرات بمليون جنيه ومقضيها قياسة بيها رايح جاى..اسكندرية الكويت
الكويت اسكندرية..كانه شايل شنطة ادوية
ثانيا اللى مطلعه من اسكندرية للقاهرة ولا جايز سمع ان خلطة اللى مرصوف بيها الطريق السريع مافيش احسن منها
قال لما نجربها؟؟
ثالثا فى بنى ادم طبيعى يربط شنطة بمليون جنيه فوق..
جايز مالهاش مكان جوة..فقل نحطها بره...ولا مش وسط الشنط...فوق الشنط
الكبير كبير برده
رابعا..اللى اعرفه كويس ان حاجة زى دى ماينفعش تخرج بره البلد..
اصل يعنى ايه واحد مخرج مليون جنيه دهب بره البلد؟؟
مش حكاية من اين لك هذا؟؟
بس ليه بتعمل هذا؟؟
خامسا ...مين اللى قال للامين ده ان 10% دى مش حلال..وانه مش حقه الشرعى
حلال..وكان المفروض ياخدها..لانها حقه..
يعنى حسيت ان الطبخة باظت منهم اوى..وكان المفروض القصة تتعمل بحبكة شوية
بس واضح ان الداخلية مابتعرفش تكدب
وجت تكحلها عمتها
جت ترفع من روحنا المعنوية من ناحية الشرطة والداخلية وتعطينا اى بارقة امل تلوح فى الافق
سودتها وطلعت باااااااايخة
ولا ايه رايكم؟؟؟
7 comments:
السلام عليكم ورحمة الله
انا فعلا شفت هذا الجزء من الحلقه
واستغربت موضوع ربط الشنطه وان فيها اصلا مليون جنيه دهب ومحدش سأل الراجل من اين لك هذا
لكن للامانه انا برضه مجاش فى بالى انها لعبه علشان نقع فى حبهم
بس هى فعلا ممكن تكون اقرب لكدا
بس انا بس اللى طيب
وشكرا
ZOLOM
عادي يعني
الي خلاهم بيقولوا مفيش تعذيب في اقسام الشرطة يخليهم يقولوا اكتر من كده
نوع من التلميع مش اكتر
بس مين عارف
احتمال يكون صح
واحتمال اكبر انه غلط
سلامي
من
ارض الحرب
حين تهدم بيوت الله بأيدي المسلمين
وحين تراق دماء المسلمين داخل بيوت الله بأيدي المسلمين
وحين يسمح المسلمون بتدنيس بيوت الله من غير المسلمين
فماذا تنتظرون ؟؟؟؟؟؟؟
تابعونا الان
فقط
في
ارض الحرب
اختاه
ارجو مشاركتك
يمكن كلامك يكون صح مع اني بضعف الاحتمال دة
الراجل بتاع الشرطة كان بيان في كلامه انه صادق وشكله مش شكل واحد بيكذب
ولو كانت متلفقة كانوا جابوه في البيت بيتك مش في العاشرة مساء
هو صحيح الشرطة سببت لينا مشاكل وبلاوي كتير بس برده لكل قاعدة شواذ
ادخل المزاد علي بيع مدون مدون ييع نفسه علي النت لمن يهمه الامر
موضوع رائع
جزيت خيرا
فعلا شكلها لعبة
اخى zolom
وعليكم السلام ورحمة الله وبركاته
طبعا ماحدش هيسالهم..هما بس يسالوا حسن مالك ..خيرت الشاطر..
لكن واحد متقاعد فى الكويت ماشى يتفسح بمليون جنيه عادى..
والمشكلة كمان هيخرجها ازاى؟؟
هو فى حد بينقل الفلوس كه من بلد لبلد؟؟
اهل عليكم الله رمضان بكل خير
عمرو المصرى..
صح
اللى خلاهم يوقلوا مافيش تعذيب يقولوا اكتر من كده
فقدوا مصدقيتهم معانا..
بس السؤال المهم...
لو كان الموضوع فبركة
طب ايه مصلحة العاشرة مساءا فى عرضه...
ا بمعنى اخر..
اشمعنى العاشرة مساءا اللى اذاعته؟؟
اتصفح الان..ارض الحرب
جزاكم الله خيرا على دعوتك
المهندسة..
عارفة كويس انك بتحبى العاشرة مساءا ..وانا كمان بحبها
بس فكرى شوية
واقراى الاسئلة اللى انا طرحتها فى اخر البوست مرة اتنين وقلبيها فى دماغك
والبيت بيتك فاقد مصداقيته خلاص..
انا نفسى مااعرف بيجيب ايه
راجعى الاسئلة ولو لقيتيلها اجابة جاوبيها..ويا تقنعينى يا اقنعك..
( وجه مبتسم)
وكل سنة وانتى طيبة
..
Anonymous
جزاكم الله خيرا..انا بقول كده برده
لعبة
اهل عليكم الله رمضان بكل خير
Post a Comment