ايوة اتعاطف .. رغم جيكا وكريستى والشافعى والجندى ..ايوة اتعاطف رغم
سكوتهم على عماد و علاء ..وست البنات وايه اللى وداها هناك ..ايوة اتعاطف
..مش مقتنع بيهم ماشى ماحدش بيقولك انزل خد عنهم الحى والخرطوش ..ولا شوف
الشرطة والجيش بيعملوا فيهم ايه دلوقتى ولا دافع ولا هاجم ..بس اتعاطف لان
هناك صحبك الاخوانى الطيب واوعى فى سرك دلوقتى تقول عليه : "طيب بس خروف" .
.. لان هناك قريبك الاخوانى المحترم اللى عمره ما سرق ولا كذب المربى
المحترم و اوعى فى سرك تقول: "بس فى غيره كتير وسطيهم منتفع ومدلس
ومنافق " .. شيل خلافك معاهم على جنب ..انسى كل اللى فات وافتكر لما اسم
صحبك هينزل بكرة فى صف النت !! لما تقابل مامته فى جنازته ..انسى اى حاجة
ليهم وافتكر اولادهم اللى هيتيتموا بس علشان كان ليهم رأى ..كان ليهم مبدأ
..ايوة انت مش مضطر تقتنع بيه ولا تيأيده .. بس مضطر تتعاطف .. مش مضطر انك
تبرر لهم سكوتهم على اللى فات بس اوعى اوعى تبرر لنفسك سكوتك انت كمان على
اللى بيحصل دلوقتى ..اتعاطف لأنك انسان
No comments:
Post a Comment