عدنا..ومعانا أخبار حلوة

مدونتى وحشتنى

...اصل بصراحة من زمان مش دخلتها

كنت زعلانة منها علشان هيا كئيبة

بس قلت ارجع

ارجع بقة علشان هيا مسكينة ملهاش غيرى

قلت ارجع بقة

وانا برجع احاسب على اللى ورايا

جاية بقة معايا خبرين حلوين

2007/الخبر الاول..وهو إن النهاردة 7/7

عارفة انهم متوقعين فيه كوارث

بس بالنسة لية ده يوم مميز جدا

أفرحكم بقة

بدانا حملتنا صيفنا أحلى فى منتدى بنات جامعتنا

على منتدى عيون الطلبة

الحمد لله

البنات كانوا متفاعلين جدا مع الحملة لغاية لما بدأت النهاردة

ونزل اول موضوع

وبإذن الله هنزل لكل أسبوع مجلة هنزل لينكها هنا

أنا مبسوطة علشان كده

قد إيه كان جميل إنهم يتعرفوا على بعض علشان كل فريق يشاغل

قد إيه كنت مبسوطة إنهم ولله الحمد اشتركوا فى الفرق بسرعة

بعد أسبوع استنوا المجلة العدد الأول

واستنوا فيديو بإذن الله لكل الحملة من اول يوم لغاية لما بدأت

حبيت أفرحكم معايا..

لأن أنا بعتبر يعنى إن دى خطوة كويسة

أنا اول مرة أكون مشرفة

طبعا بما إنى فرحتكم وشايفاكم بتنطوا من الفرحة

فانا مستنية منكن حاجتين مهمين

الأول الدعااااء

الدعاااااا

للحملة إنها تمشى زى ما إحنا مخططين وأحسن

تانى حاجة كماااان.

.إن كل البنات يسجلوا فى المنتدى ويشاركونا الحملة

وبجد هيا حملة رائعة للبنات

وطبعا اللى مسجلين يشتغلوا فيها معانا

كلمة بقة لحبايب قلبى كلهم اللى فى المنتدى

واللى بيشتغلوا بقة فيها معانا او متابعنها

بجد ليهم منى تحية

تصيقفة كده ومعاها

الله أكبر

الله أكبر..

دمتم لامتنا نصرا وعزا

أحبكم فى الله

ده الخبر الأول الى مفرحنى

الخبر التانى هقولكم عليه بس بعدين إن شاء الله..

واحدة واحدة علشان ما تفرحوش كتير كده يجرالكم حاجة بعدين