انا اسفة يا جماعة انى ما كنت بدخل المدونة كتير المدة اللى فاتت
هما يومين يعنى مش شهر
مشغولة بمشروع الكلية جدا..قال يعنى
بس بجد مشغولة
انا كاتبة ورقة على الكمبويتر بتاعى ولزقاها
هذه المنطقة لصالح المشروع وليس عليها نزاع
ادعولى..وادعوا لامى وأبى
وادعوا لاصحابى ربنا يوفقهم فى مناقشاتهم
طبعا اول لما اخلص مناقشة يوم الاربعاء باذن الله هحكيلكم كل حاجة
....
ومن هذا المنطلق يعنى..اللى هو مدونتى هارسل تلات رسايل
الرسالة الاولى
هبعتها بالحمام الزاجل
وهتكون لاخواتى فى الله اللى مقصره معاهم جدا ومش بطلبهم حتى وفاكرينى بوفر فى الفاتورة
سامحوووووووونى وادعولى بصفاء نفس علشان اعدى
الراسلة التانية
هبعتها بالاوبتيكال فيبر ..الالياف الضوئية
ودى بقة هتكون لكل بنات المنتدى..منتدى بنات جامعتنا_عيون الطلبة
سامحونى كتتتتتتتتتتتتتر علشان مش هتكون ايدي معاكم فى الشغل الفترة الجاية
اول مالاقيها هجيبها واجى...ايدى طبعا
الرسالة التالتة
هبعتها مع اى مخبر ..ومش هغلب يعنى
ودى بقة هو هيكون عارف كويس يوديها فين
زى الحمام الزاجل كده بالظبط
مكتوب فيه
ارحموا الفلسطينين اللى على المعبر وافتحوه
..خنقتونا..وخنقتوه
يعنى هنبقى احنا واليهود عليهم
الرحمة شوية
الرحمة
وصيتكم يا جماعة الدعاء للمحاصرين فى المعبر
6000 فلسطينى على معبر رفح
كل امنيتهم يعدوا لفلسطين
عارفين
400 مصاب وجريح
28 حالة وفاة
اخرها فلسطينية مصابة بالكانسر
افتحوا المعبر
لغاية امتى هنفضل نقول لاسرائيل آمين
كل اللى يدخل المودنة ويقرا يدعيلهم..
اللهم امكر بمن مكربهم
اللهم من ارادهم بسوء فاجعل الدائرة تدور عليه
يارب رحمتك
يارب رحمتك
يارب رحمتك
نفس الرسالة دى برده فى الهامش تحت هاكتب فيها
صبرا ستمضى المحن
7 comments:
صبرا ستمضى المحن
اللهم انا نسالك نصرا مؤزرا
أختى ربنا معاك و يوفقك و يرحم والداك و يدخلها فسيح جناته و ويكونا سببا فى دخولك الجنة
السلام عليكم
بالتوفيق ان شاء الله
انا تخصصي كان اوبتيكال فايبر :)
رسالة مبعوتالك بالايميل الزاجل
:)
ربنا يحميكي و يدخلك الجنة انتي و ابوكي و امك
و يجعلكم في صحبة النبي صلى الله عليه و سلم
اللهم امين
ربنا يوفقك ياحببتي يارب
ومخبرك وصل بس مخبري ضربه بالنار باين
والحمامة كمان وصلت هيه كانت ناوية توزغ بس انا نشت عليها
المهم اجدعني
وبطلي لعب وروحي زاكري ياهانم
ربنا يوفقك يارب
ويحفظك انتي واخواتك وطنط وعمو ياااااااااارب
اللهم امين
وسلميلي عليهم
وابقي طمنيني علي المخبر
ربنا معاكي ويوفقك ويخليلك والديك ويديهم طولة العمر
وفقكم المولى لما يحب ويرضى
اختنا الكريمة
ولو احتجتوا خريطة للمشروع
الجغرافى موجود
المهم متنسوش
معاد المهرجان
متفائلون
يوم الخميس 26 / 7
و
يوم الجمعة 27 / 7
بنادى الصيادلة ان شاء الله
mo'men mohamed
جزاكم الله خيرا
على دعائك لى ولامى وابى..
ولك مثله اخى
........................
مهندس علاء على فكرة انا ماليش دعوة بالكومنيكشن خالص
انا مدنى..مشروع موانى
والرسالة وصلت
وبالايميل الزاجل برده
ولك مثله أخى
........................
اخوانية حبيبة قلبى
طول ما انتى بتدعى وانا واثقة باذن الله
وعلى فكرة انا بطلت لعب خالص
وسيبى الحمام بتاعى حاله لو سمحتى
وجزاكم الله خيرا على الدعوة الجميلة
ولك ثله حبيبتى
من عنيا اخر اخبار المخبر هنزلها بس على الماسنجر بقة
.......................
هانى جابر
جزاكم الله خيرا على الدعاء
وربنا يكرمك يارب
ولك مثله اخى ان شاء الله
...............................
اخى الجغرافى
ربنا يكرمك
الجوجل ايرث كان عليه كل الصور
الحمد لله..وربنا يكرمك
معاد المهرجان اتسجل فى النوتة خالص وريمندر فى الموبايل كمان باذن الله
ايوة كده ورونا الهمة والحمد لله انكم
عاملين دعاية ده شئ كويس
احسن ما الواحد يكون بطيخة
.................................
ربنا يوفقك في العالم الكبير ده ..ومستني رأيك على مسودة ميثاق الشرف الأول للمدونين على مدونتي مظلومين
مالك مصطفى
Post a Comment