اليوم الثلاثاء.. الساعة التاسعة صباحا ...المكان أمام بوابة الجامعة الهدف طباعة المشروع أخيرا المفاجاءة ..
انتم اتاخرتم يا جماعة كان لازم تحجزوا من بدرى ..
عدوا علينا بعد ثلاث ساعات
نععععععععععععععععم حضرتك اكيد بتهزر المشروع المفروض يتسلم الساعة اتنين الظهر
طب انا اعملكم ايه دلوقتى؟؟
والراجل بصراحة وشه بقة كله علامات استفهام
واحنا وشنا جاب الوان
بعد ماكنا شايلين الاسطوانة
وماشيين نغنى
معانا السي دى معانا السى دى
ده سي دى جديد
ومش بطال
معانا سى دى
معانا سى دى
عدنا ادراجنا..هنلف على مطبعة تانية وتالتة ورابعة
جبنا اخر البلد ورجعنا تانى
الساعة بقة 2.00 الظهر
دكتور احنا اسفين جدا مش لاقين مطبعة
ولا يهمك يا باشمهندسة احنا على الو بقة اول لما تخلصوا
ربنا يخليك
ربنا يكرمك
ربنا يخليلك ولادك
وكده يعنى
الساعة تلاتة لقينا مطبعة هتطبع نص الحاجات
الساعة خمسة خلصنا طباعة نص الحاجات الحمد لله
هنروح فين؟؟هنطبع فين؟؟
يا جماعة احنا لسة ما ذكرناش ..
اااااااااااااااه صحيح ..
طب يالله اتنين ينزلوا يطبعوا
والتلاتة الباقيين يتفقوا هيعملوا ايه فى العرض بكرة
ماشى جميل
انتم فين؟ احنا لاقينا مطبعة زى الفل بتطبع
الساعة بقة تسعة باليل ولسة نص اللوح الباقية
تليفونى بيرن
دى ماما
انا مش قلتلهم انى هتاخر
ايوة يا امى
ايوة يا ....طبعا ده مش اسمى اللى اتقال ساعتها ده لقب
انتى فين؟؟جاية امتى؟؟اتاخرتى ليه؟؟هتخلصى امتى؟؟
امى سؤال سؤال علشان اعرف اركز فى الاجابة
نعم يا .....احنا هنتظارف
ماما ساعة واكون عندك فى البيت على عشرة كده
طبعا المشروع اتسلم الساعة 12 بليل فى الجامعة
وماحدش يستغرب
المعيد ربنا يكرمه فضل مستنينا
رجعنا البيت 12.30 ..
جعااااااااااااااااااااانة
عطشاااااااااااااااااااااانة
نفسى انام
....احنا لسة مش اتفقنا هنقول بكرة ايه للجنة
اليوم الاربعاء...الساعة الثامنة والنصف صباحا...المكان بيت واحدة صحبتنا ربنا يكرمها
الهدف مناقشة المشروع من البداية والاتفاق على الخطة والنهج السياسى اللى هنتكلم بيه
بروفه واحدة لا تكفى
كان هذا هو الشعار
كان هذا هو الشعار
مافيش وقت الساعة عشرة المفروض نكون بالجامعة
طب يا جماعة ركعتين قضاء حاجة ودعاء وكل حاجة هتبقى تمام
الساعة عشرة كنا فى الكلية فى قاعة المناقشة
الساعة واحدة او بالظبط تحديدا ساعة اذان الظهر
كان مجموعتى الرائعة بتناقش
ربنا يكرم كل اصحابى ويعينهم يارب
ربنا يكرم المعيدين اللى كانوا بيطمنونا على طول
ربنا يكرم الدكاترة اللى وقفت جنبنا
بجد ياريت كل المواد زى المشروع
ياريت كان المشروع يطول علشان نستمتع بكل لحظة فيه
الحمد لله التقدير امتياز ...
بجد ياريت كل المواد زى المشروع
ياريت كان المشروع يطول علشان نستمتع بكل لحظة فيه
الحمد لله التقدير امتياز ...
وخرجنا من التجربة دى بحاجات كتير
خرجنا بازاى انه الشغل شغل والصداقة صداقة
خرجنا بان مهما تعبنا ومهما روحنا وجينا التوفيق من عند ربنا والثبات مش بيجى الا بالدعاء
خرجنا بان العمل لو كان جاى على مزاجنا فبجد الابداع بيكون من القلب
فى كل حاجة رضا ربنا .
حاجة اصحابنا اللى من مشاريع تانية ونورونا
ربنا يارب يديم حبنا لبعض فى الله
9 comments:
مبرووووك
لوووولولي
الف مبروك
البت هتاخد البكالوريوس ياولاد
وانا اخدت الاسانس
لووووولي
السنة الي فاتت يعني
الف مبروك ياحببتي
وعقبال ماجي اهني
واشرب
العصير
ياريت
برتقال
او
مانجو
او فروالة
والاحسن كوبايه مايه ساقعة
ربنا يارب يتتم نجاحك علي خير
ويسمعنا كل خير عنك
الحمد لله ان الموضوع عدى على خير
وزى ما قلتى ان الواحد لما بيعمل حاجة وهو مقتنع بيها
لازم فعلا يبدع فيه
السلام عليكم
اخوانية نورتى بالزغاريد دى
عقبال لما لنتيجة تطلع بجد
واخد البكالوريوس ياااااااارب
وان شاء الله اشرب عندك انتى بقة شربات
وربنا يارب يكرمك
فرحت انك باركتيلى اوى
mo'men mohamed
الحمد لله اخى
جزاكم الله خيرا على مرورك
طب اتفضل خد العصير
او اقولك حاجة جميلة
ادعيلك احسن
ربنا يرزقك قلب خاشع ولسان ذاكر وعقلا نافع
السلام عليكم ورحمة الله
الحمد لله عدت على خير
احنا طبعنا 3 نسخ من الكتاب اللدكاتره بس الساعه 5 فجر يوم المشروع فى غرفه الدكتور
فالحمد لله على كل شئ
عقبال النتيجه ان شاء اللله
السلام عليكم ورحمة الله
الحمد لله عدت على خير
احنا طبعنا 3 نسخ من الكتاب اللدكاتره بس الساعه 5 فجر يوم المشروع فى غرفه الدكتور
فالحمد لله على كل شئ
زولوم
يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل
أخى zolom
نورت المودنة
والحمد لله انكم لحقيتم تطبعوا الساعة 5 الفجر
ليه اصحاب مسلمين المشروع للمعيد الساعة 6 الفجر..
الحمد لله..بس ايه رايك؟؟
احلى ايام بجد ايام المشروع
وان شاء الله ربنا يكرمك فى النتيجة
ان شاء الله
امام الجيل
طبعا كان نفسى اجى..
بس طبعا ماحدش عبرنى هنا فى البيت
وانا بجد متابعة اخباركم اول باول
ان شاء الله ربنا يكرمكم
وكان نفسى اجى..زى ماكان نفسى احضر المحاكمة العسكرية الاخيرة بس يالله
ان شاء الله..اقدر احضر حاجات تانية
تعجبهم هنا فى البيت
Post a Comment